Dirijinte ONU nian saúda iha
loron-sesta ne'e esforsu sira Timor-Leste nian iha kombate ba tabaku, no
defende medida sira kontra fator risku sira, ne'ebé maka kontinua responsavel
ba aumentu ba moras sira la transmisivel iha nasaun.
"Ita tenki muda kostume sira
no envolve komunidade. Ita tenki hanoin mós iha ambiente ne'ebé maka ema sira
hela ba. Bele ativa liu tan, han ho forma ne'ebé saudavel liu", hatete
vise-diretora jeral ba Moras La-Transmisivel no Saúde Mental Organização Mundial
Saúde (OMS) nian, Svetlana Akselrod, ba Lusa.
Akselrod subliñu katak importante
atua hodi prevene moras sira ne'e, no liu-liu kombate iha fator risku sira.
Konsumu tabaku, konsumu alkol
ne'ebé ass, dieta ne'ebé ladun saudável, ladun halo atividade fizika maka
hanesan prinsipal komportamentu risku ne'ebé responsavel ba moras prinsipal
balun iha nasaun: probelma kardiovaskula, kanker, moras pulmonar krónika no
diabetes.
Timor-Leste introduz ona medidas
preventivas oioin, liu-liu iha kombate ba tabaku. Naasun ne'e iha avizu ne'ebé
boot iha mundu, ne'ebé maka kobre 92,5% iha masu tabaku nian ho testu no,
liu-liu, ho imajen sira.
Maibé se bele halo liu tan,
defende Akselrod, bo fó hanesan ezemplu maka tau impostu ass liu tan ba tabaku
no alkool hanesan estratejia hodi hamenus konsumu. "Dadu sira ne'ebé
resente hatudu katak investir iha medida sira ne'e iha vantajen. Investi dolar
ida agora bele poupa hitu iha tinan 2030", hatete.
Planu asaun foun autoridade
timoroan sira, ne'ebé maka aprezenta agora, tuir ida ne'ebé maka iha vigor iha
tinan hirak ikus ne'e no pretende kombate moras sira ne'ebé maka bele evita,
inkapasidaddi no mate prematuru tanba moras la-transmisivel sira (DNT).
Reprezentante OMS nian ba
Timor-Leste, Rajesh Pandav, esplika katak planu asaun multisetorial ba
prevensaun no kontrolo moras la-transmisivel sira (2018-2021) hanesan pasu
importante hodi kombate moras la-transmisivel sira, inklui mós moras probelma
kardiovaskula no moras pulmonar obstrativa krónika, ne'ebé "maka hanesan
kauza prinsipal sanulu moratilidade nian" iha Timor-Leste.
Tuir dadu sira ne'ebé iha
dokumentu, moras sira la-tranmisivel maka responsavel ba 44% ema sira ne'ebé
mate, numeru ida ne'ebé maka bele boot tan, hatete Pandav, tanba falta rejistu
sira ne'ebé adekuada difikulta analize.
Fator sirku sira, hanesan konsumu
alkol no tabaku, dieta ne'ebé ladun saudavel no uza masin ne'ebé ass, mos
hanesan prinsipal kauza DNT nian.
"Timoroan sira mós tama iha
lista hanesan konsumidor boot tabaku nian iha mundu, ho 70% mane sira no 10%
feto sira maka fuma, ne'ebé maka halo vulneravel ba kanker no moras pulmonar
sira", refere.
Obezidade afeta 8% mane sira no
17% feto sira, enkuantu 39% hosi ema boot timoroan sira, iha presaun arterial
ne'ebé ass no 21% iha nível ass kolestrol. "Maioria hosi kazu diabete sira
no hipertensaun la deteta no tanba ne'e la halo tratamentu", hatete
Pandav.
Estadu timoroan gasta dolares
millaun hat tinan-tinan hodi haruka pasiente sira ba rai-liur.
SAPO TL ho Lusa
Sem comentários:
Enviar um comentário