DILI - Partesipasaun Veteranus
nian ba dezenvolvimentu rai laran, hatudu dadauk ona progresu diak, tanba
Veteranus balun hahu hola parte iha klase kompana nian, no balun deit maka
benefisiu fulan-fulan simu deit.
Kestaun nee fo sai husi Veteranus
Cesar Valente ba STL Tersa (08/01/2019) iha Parlamentu Nasional.
“Hau hanoin estadu ho publiku
hakarak partesipasaun veteranus nian, ba iha dezenvolvimentu rai laran ho
masimu maka, estadu tenke kria kondisaun, oinsa veteranus sira bele iha
organizasun ida neebe diak, ho nunee bele organiza malu hodi partesipa iha
prosesu dezenvolvimentu iha rai ida nee,”informa Eis Deputadu terseira
lejislatura atul Veteranus.
Karik veteranus sira mosu
derpente deit iha prosesu ida maka, publiku bele kestiona katak, tanba sa maka
veteranus sira mai fali iha nee, ida nee mos bele impede partesipasaun
veteranus nian ba iha prosesu dezenvolivimentu rai laran.
Iha fatin hanesan Deputadu
Cornelio Gama (L7) hatutan, kontribuisaun veteranus nee boot tebes, hahu husi
luta ba ukun rasik aan no mai too ohin loron, no veteranus barak maka hetan
fiar husi governu hodi halo projetu balun iha rai laran hanesan eletrisidade,
tanba nee husu atu sura mo kontribuisaun veteranus nian.
Notisia kompletu lee iha jornal
STL edisaun Sexta (10012019)
Madalena Horta/Guilhermina Franco
| Suara Timor Lorosae
Sem comentários:
Enviar um comentário