Timoroan rihun 560 resin, ka 42%
hosi populasaun, nu'udar utilizador ativu rede sosial sira, ho parte boot maka
liga liu hosi rede movel tolu nasaun ne'e nian, tuir dadu sira ne'ebé divulga
hosi empreza ida setor ne'e nian.
Dadu sira ne'e referente ba fulan
Janeiru nian ne'e tau hamutuk liu hosi fonte barak hosi empreza Timor Sosial,
ne'ebé maka serbisu iha dezenvolvimentu estratejia komunikasuan iha rede sosial
sira.
Tuir estatistika sira ikus ne'e,
abitante millaun 1,34 Timor-Leste nian ne'e agora daudaun iha millaun 1,5 liña
iha rede movel: barak maka iha telefone ida liu ho operador diferente.
Telemovel hanesan prinsipal
metodo asesu ba internet no ba rede sosial sira, ho utilizador internet sira
rihun 560 no numeru hanesan utilizador ativu sira iha rede sosial sira, ho
destake iha Facebook, ne'ebé maka dominante.
Numeru utilizador rede sosial
sira liu hosi telemovel hamutuk rihun 490.
Plataforma sira hanesan Facebook
sai hanesan esensial komunikasuan iha Timor-Leste, ne'ebé maka hanesan fatin
prinsipal hodi fahe informasaun no debate politiku.
SAPO TL ho Lusa
Sem comentários:
Enviar um comentário