DILI –
Problema eletrisidade kontinua mosu iha fatin-fatin iha Timor laran tomak
hanesan mos iha Municipiu Baucau, diskunfia funsionariu funsionariu EDTL balu
involve iha KKN tanba nee veteranus lubuk ida lamenta hodi hakat ba kesar
Primeiru Ministru Rui Maria de Araujo.
Tuir
Diretora Kompania Dogma neebe hanesan mos veteranu, Dulce Ximenes, ba
jornalista sira hafoin remata halo keisa ba Primeiru Ministru Rui Maria de
Araujo Kuarta (27/05) hatete antes nee Kompania Dogma maka hetan despaisu hosi
Eis PM Xanana Gusmao hodi kaer projeitu eletrisidade iha Suku 6 nebee mak iha
Postu Administrativu Queleqai, maibe ikus mai Diretor CGI-PEN ,
Kassius Klei Ximenes fo fali ba kompania seluk mak kaer projeitu refere.
Ami
nia proposta nee hetan aprovasaun hosi Eis Permeiru Ministru Xanana Gusmao
neebe mak fo direita ba eis Sekretariu Estadu Eletrisidade Januariu
Pereira hamutuk ho sefe suku sira maibe too iha inisiu tinan 2012 mosu
mudansa politika tanba elisaun no parte EDTL sujere baa mi atu hein depois
elisaun remata foin hahu projeitu nee no ikus mai iha loron 18 fulan Maio 2015
mosu mudansa derpenti deit no parte Kompania Dogma hetan kontakto hosi Direitor
Aprovijionamentu EDTL Kassius Klei Ximenes hodi ba halo inkontru no too iha
neeba mosu kompania bar-barak mak atu kaer fali projeitu eletrisidade nee ida
nee ma kami la simu tanba ami mak halo surfei, berefika no seluk tan maibe laos
ami mak kaer sira fo fali ema seluk,” hatete Dulce.
Iha
fatin hanesan Sefe Suku Maluru Postu Administrativu Quelecai, Municipiu Baucau,
Bernado de Carvaho, mos hatete sira iha kuinesementu ba Kompania Dogma mak halo
hasoru ona autoridade local sira inklui halo inkontru ho komonidade konaba
projeitu nee, maibe sira laiha tan kuinesementu ba kompania seluk.
Hatan
ba problema nee Diretor Centru Jestaun da Implementasaun ba Planu Eletrisidade
Nasional, Kassius Klei Ximenes, hatete parte EDTL nunka halo Nepotismu neebe
mak hanesan Kompania Dogma hatete no Kompania Dogma rasik hakarak domina iha
Suku 6 neebe mak iha Quelecai, ida nee ba labele. Informasaun kompletu iha STL
Jornal no STL Web, edisaun Kinta (28/5/2015). Thomas Sanches
Suara
Timor Lorosae
Sem comentários:
Enviar um comentário