Kazu Sosa Bis Uzadu Iha MS, PM Rui Laiha Konesementu

DILI - Tribunal Distrital Dili (TDD) kontinua halao julgamentu hodi rona deklarasaun husi sasin defesa, Primeiru Ministru Rui Maria de Araujo ba kazu sosa bis rua iha Ministeriu Saude (MS) iha 2007, neebe diskunfia uzadu hodi halakon osan estadu $84,250 mil.

Liu husi audensia julgamentu, tribunal fo sai deklarasaun sasin defesa Rui Maria de Ararujo actual Primeiru Ministru liu husi karta neebe nia haruka ba tribunal katak nia laiha konsementu kona ba projetu sosa bis rua iha ministreiu saude iha 2007. Tanba nee nia laiha liafuan atu hatan ba perguntas neebe mak prezide husi parte defesa iha karta neebe maka dirize ba nia.

Iha biban hanesan sasin Liadi Thang Hia, hanesan vice iha kompania Oceano neebe fornese bis rua ba MS nee, nia iha konesementu kona ba sosa bis rua nee, tanba momentu nee halo liu husi tender. Neemak nia ho nia patraun arguidu Kuon Tsin Chua ba Surabaya hodi husu tuir modelu bis neebe mak ministeriu husu hakarak kareta nia kadeira neebe rabat  malu.

Depois hotu ami lori mai Timor, no ikus rona rumoris dehan katak kareta nee uzadu laos foun. Neemak kompania fo garansi ba kareta rua nee durante tinan tolu nia laran, sekuandu uzadu entaun kompania sei troka fali foun. Maibe depois tinan tolu laiha reclamasaun ruma husi instituisaun balun kona ba kareta nee. No agora dadauk bis rua nee mos halo hela operasaun iha HNGV,” tenik nia ba TDD.

Iha kazu nee Ministeriu Publiku notifika Kuon Tsin Chua (kompania nain), Fransisco Antonio Soares dos Santos, Avelino Afonso Brites, Cacilda Maria Lobato da Cruz, Guilhermino dos Santos no Moises da Costa Ximenes hanesan arguidu hanesan fugsionariu publiku iha MS. Arguidu sira nee ministeriu publiku akuza ho krime burla agravadu ba kazu sosa bis rua iha Abril 2007 neebe deskunfia uzadu hodi halakon osan estadu ho montante $84,250 mil. Informasaun kompletu iha STL Jornal no STL Web, edisaun Sesta (22/5/2015). Domingas Gomes

Suara Timor Lorosae