BAUCAU
- Munisipiu Baucau (MB), prepara ona komisaun organizadora ho Diresaun Servisu
Agrikultura Munisipiu Baucau (DSAMB), atu selebra loron restaurasaun
independensia ba 20 de maio iha Administrasaun Munisipiu Baucau. “Ita
estabelese ona komisaun organizadora ida ho lina ministeriu sira hanesan
diresaun servisu agrikultura munisipiu atu hala’o atividades ba loron
komemorativa nian iha dia 20 de maio. Ita mos apresenta proposta de
orsamentu oinsa atu halaó seremonia ne’e ba Ministeriu Estatal (MAE), tanba
planu ba orsamentu atu halo atividade 20 de maio nia hahu kedas iha fulan
Fevereiru.
“Tanba
iha mudansa governasaun, hafoin iha dia 4 fulan Maiu ne’e Vice Ministtru
Estatal no Diretor Jeral halaó fali enkontru ida ho ami (Administrador
Munisipiu) hodi atu redus montamnte nebe iha,” dehan Administrador Munisipiu
Baucau, Antonia A. Guterres ba BT tersa (12/05) iha nia knar fatin. Nia
hatete iha enkontru neba administrador sira hato’o proposta orsamentu ba 20 de
Maio nian ba Ministeriu, maibe sira redus fali, bazeia ba orsamentu nebe
iha. Tanba orsamentu nebe iha balun sei responde ka desloka fali ba tinan atus
lima iha Oe-cusse.
Tuir
governu lokal ne’e hatete, orsamentu nebe mak atu aloka mai iha Munisipiu
Baucau ho montante $15.000 (quinzi mill dolar). Nia tenik, bazeia ba
pididu nebe mak iha katak orsamentu nebe aloka ba postu ida ho montante $1.500
(mill quinentus dolar) tuir planu mai Ministeriu
Administrasaun Estatal iha dia 4 Maio fulan ne’e. Enkuantu
$7.000 (sete mill dolar) sei hela ba Administrasaun Munisipiu hodi komemora mos
ba loron Restaurasaun da Indenpendensian Timor-Leste RDTL iha kapital
munisipiu.
Antonia
hato’o katak ho orsamentu nebe mak iha Administrasaun intraga ona ba iha
komisaun organizadora atu atende no jere oinsa mak seremonia ba loron
restaurasaun ne’e halo iha Baucau. “Tanba orsamentu ne’e hodi uza ba
atendementu hanesan treinamentu no seluk tan o que certo ita mai atu dada ita
nia Bandeira hodi hatudu katak ita mos fo ondra no respeita duni ba ita nia nasaun
hanesan simbolu nasaun nian,” nia informa. Iha parte seluk Administrador
Munisipiu husu ba komunidade sira iha vila laran nomos instituisaun lina
ministerial nebe mak iha Munisipiu Baucau, atu halo limpeza geral iha
ida-idak nia fatin liu-liu fatin publiku sira hodi hatudu katak loron
restaurasaun independensia 20 de Maio ida ne’e hatudu duni ambiente
mos no saudavel.
Nia
mos rekomenda ba entidades hotu tantu emprezariu, komunidade nomos instituisaun
estadu ne’ebe hela iha vila laran, atu oinsa dada bandeira iha ida-idak nia uma
oin, hodi hatudu katak 20 de Maio loron independensia iha
Timor-Leste. “Ita hakarak inspira nafatin, ita nia povu atu oinsa ita nia
povu ne’e sente katak, independensian ne’e mai hosi esforsu tomak iha ida-idak
nia moris, tantu bo’ot no kiík, maibe sintidu ba independensia ida ne’e, hau
nudar Administrador Munisipiu konvida ita hotu mai atu komemora
loron ida ne’e,” nia konvida.
Tanba
loron ne’e importante ba ita hotu. Ema hotu hatene katak ita nia sidade Baucau
sigundu capital, maske iha problema, obtaklu no dezafius barak, maibe ita ema
infrenta baut sira ne’e, maibe ita tenke hatudu katak, ita nia maturidade ba
partisipasaun ba loron 20 de maio sei diak nafatin liu liu iha Munisipiu ida
ne’e nia fo korasen. Nia hatutan mudansa ba tinan ne’e diferente ho tinan
uluk, tanba ho montante nebe mak iha minimu liu, maibe iha pilar 3 nebe mak
importante ba 20 de maio nia, primeru oinsa seremonia bandeira atu hasaáe no
hatun, sigundu konsumu no treseru hodi prepara ba entidades sira nebe mai
atu partisipa ba.
Tuir
nia katak ba tinan ne’e, representa governu ka estadu atu mai halo diskursu iha
Munisipiu Baucau mak Ministru Interior, Longuinhos Monteiro nebe reprenta
President da Republika de Timor-Leste. “Loron 20 de Maio ne’e loron importante
tebes ba ita hotu, tanba ne’e mak hau hatete ba funsionariu sira atu labele
konsidera loron 20 de Maio, 28 de Novembro, no 30 de Agostu labele halimar iha
uma ka ba paseiu. Tanba loron ne’e selebrasaun komemorasaun ba Timor Leste
nian, ita representa povu nudar makina estadu ita tenke akompana entidades hotu
atu selebra loron 20 de Maio nian ida ne’e,” dehan nia. (BT)
Business
Timor - Fredy
Sem comentários:
Enviar um comentário