REFORMA ADMINISTRATIVA ALVU FINAL DESENTRALIZASAUN

Reforma Administrativa, sai hanesan meta alvu final ba sestu Governu konstitusional atu desentraliza administrativa no konstruksaun poder lokal hodi adapta ba realidade no nesesidade Timor-Leste nian.

“Ami fiar katak, modelu sira ne’ebé maka kopia iha buat di’ak, entaun iha prosesu politika sosial, ida ne’e iha governu ida ne’e, iha ami nia ajenda politika sentral, iha prioridade konjunta entre sira ne’ebé maka iha reforma administrativa ida ne’ebé sai hanesan meta alvu final desentralizasaun administrativa ida no kontruksaun modelu poder lokal ida ne’ebé adapta ba Timor Leste nia realidade no kultura no Timor Leste nia nesesidade,”dehan PM Rui Araújo iha nia diskursu hodi loke konfrensia internasional ho parseiru internasional sira ho tema, Desentralizasaun Administrativa e Poder Local, ne’ebé hala’o iha Otel Timor Dili, Segunda (18/05.)

Nia hatutan, desentralizasaun administrativa ne’e, Governu deskute klean tiha ona desde restorasaun independensia iha 20 de Maio 2002 ho hetan atensaun husi governante sira.

Primeiru Ministru Rui Mari de Araújo apresia ho ajudus husi nasaun doadores sira hodi ajuda governu Timor-Leste implementa politika dezentralizasaun.

Rui dehan, politika Governu Timor-Leste ohin loron kontinua kapasita ninia a’an hodi prepara rekursu umanu sufisiente atu bele koloka Funsionariu Públiku ba servisu iha minisipiu sira ne’ebé, sei implementa politika desentralizasaun hanesan parte reforma importante ida iha programa Governu atu lori servisu besik liutan ba povu tomak.

Ho programa sira ne’e maka, Xefe Governu apresia ho protokulu kooperasaun ne’ebé Timor Leste asina ona autoridade munisipiu Portugal, Australia, Argentina, França no Indonesia ne’ebé sei apoiu Timor Leste iha material rekursu umanu, no tekniku ba susesu implementasaun politika desentralizasaun.

“Ho ita boot sira nia partisipasaun hodi partilha esperensia ne’ebé ami aprende sei iha koinesementu fundamental atu lori desentralizasaun administrasaun Timor Leste bele susesu iha programa reforma ida ne’e,”katak Rui Araújo.

Xefi Governu haktuir, konfrensia internasional ho tema “Desentralizasaun Administrativa no Governasaun Lokal” importante teb-tebes hodi responde ba politika VI Governu Konstitusional ninia programa ne’ebé mai kontinua hatutan programa V Governu nian.

Iha okaziaun ne’e mós, PM Rui Araújo agradese apoiu ne’ebé durante ne’e, parseiru internasional sira fó mai Timor Leste hodi apoia dezenvolvimentu rai ida ne’e nian, li-liu ba servisu ne’ebé hala’o iha área ida ne’e.

Xefe Governu ne’e dehan, politika VI Governu kona-ba desentralizasaun administrativa, nomós Governasaun lokal ne’e kria kedas ona.

“Ami sei reforsa, partisipasaun demokrtatika, lokal husi parte sidadaun sira hotu ninian, ami hakarak hadia distribuisaun rikeja rikusoin nasaun nian, atu garante servisu públiku, kualidade, efisiente no efetivu iha teritoriu tomak,”relata Rui Araújo.

Nia hatutan, Governu fiar katak, dezenvolvimentu sosial ekonomiku nasaun nian, laos de’it atu bele atinji prosesu ida. Maibe tanba govrnu fiar katak, modelu ba programa sira ne’e sei bele lori susesu ba Governasaun ne’e.

Husi planu ne’e mak, Governu Timor Leste kria tiha ona Planu Estrateziku Dezenvolvimentu Nasional (PEDN) 2011-2030 preve ona desentralizasaun administrative hanesan forma importante Estadu nian.

Programa ne’e sai hanesan salvaguarda atu dezenvolve nesidade kapasida institusional, kapasidade umanu, kapasidade, administrava, kapasidade, jestaun publiku no kapasidade logistika no kapasidade atu destaka programa importante seluk tan.

Rui dehan, programa sira ne’e atu implementa ho didiak lolos presija tempu naruk no tenke lao neneik hodi programa sira hetan susesu iha futuru.

“Programa sira ne’e presija tempu, no ida ne’e tenke komprende hanesan inisitava ida ba longu prazu ne’ebé sei konkoretija tuir faze ne’ebé labele hamenus ou hakat liu hodi hare ba interese povu nian,” nia inforam.

Tuir nia katak, politika dezentralizasaun administrative ne’e sei halo tuir faze importante tolu hanesan, pre-dekonsentralizasaun administrativu iha ambitu ne’ebé Timor Leste hahú husi reforma institusional, kriasaun no aprovasaun kuadru legal no preprasaun kuadru planu dezenvolvimentu lokal.

deskontrasaun administrativa ne’ebé hahú ho implementasaun lei ne’ebé aprova ona iha delegasuan komperensia hodi hare ba interese publiku, no terseiru programa sei tranferese poder no responsabilidade obrigasaun no estrutura poder lokal liu husi eleisaun ne’ebé sai hanesan realidade.

Nia esklarese, maske programa sei presija dalan naruk tebes atu la’o, maibé ho politika ne’ebé preparadu ona, bele orienta servisu no programa governu nian atu lao ho lolos para hetan susesu liu husi reforma administrativu.

Rui Araújo dehan, Governu oras ne’e dadauk prepara tiha ona konsellu konsultivu ne’ebé prepara ona iha kada minisipiu hodi hare programa dezenvolvimentu lokal Governu nian liu husi ema hotu ninia partisipasaun.

Xefe Governu ne’e mós husu ba governu lokal ne’ebé sei implementa programa ne’e, tenke identifika ona maneira no problema sosial sira ne’ebé maka sei iha relasaun ho dezentralizasaun bele apar tuir programa.

Rui Araújo mós afirma, VI Governu sei servisu makas atu konsentra ninia programa no atensaun hotu hodi hare husi programa, orsamentu, no ejekusaun despeja ne’ebé hahú iha 2016.

“Objetivu prinsipal husi pre-deskonsentrasaun ne’e maka, atu presta servisu ba sidadaun sira no garante partisipasaun komunidade atu hetan benefisiu hanesan iha progresu ba rezultadu servisu ne’ebé Estadu tenke asegura metin,” akresenta Rui Araújo.

Nia hatutan, iha prosesu dezenvolvimentu nasaun ne’e, Governu nia prioridade maka hakbesik no fó konfiansa servisu, hakbesik liutan ba povu tomak hodi hare ba labarik sira,joven, adultu no ferik no katuas sira.

Alende ne’e, Governu hakarak povu asesu ba estrada diak, edukasaun ho kualidade, saude diak ba ema hotu no programa prioridade sosial sira.tap

Jornal Nacional