DILI
- Komerasaun ba aniversaiu 20 de Maiu tinan ida ne’e, Sekretariu Estadu
ba Politika Formasaun Prefesional no Empregu (SEPFOPE) Ilidio da Costa
sei reprezenta governu hodi selebra serimonia ne’e hamutuk ho komunidade
Munisipiu Aileu. Diretor Jeral SEPFOPE, Jacinto Barros Gusmao ba
jornalista BT tersa (12/05) iha nia servisu fatin katak, prepasaun ba 20
de Maiu ne’e SEPFOPE nia ekipa tun ba hodi hare survey iha Aileu atu nune’e
bele servisu diak liu tan ba komemorasaun ne’e.
Nia
mos dehan tan katak, restaurasaun 20 de Maiu ne’e tuir informasaun hosi
sekretariu estadu mak sei dirigi ba ichar bandeira no mos kopera hamutuk
ho Presidenti da Republika liu-liu iha kasa sivil nian atu nune’e
hato’o mensajen hosi prezidenti da republika ba komunidade sira
hotu iha munisipiu Aileu. Tuir nia katak, sei iha tan aktividade
seluk maibe ne’e sei kopera hamutuk ho Administraun Munisipiu nian atu halo
aktividade halibur malu (acara hiburan) ba komunidade hanesan konsertu musical
ka dansa kultura inklui mos desportu nian.
“Maibe
ita hotu hatene katak, Ministeriu Administrasaun EEstatal (MAE) aloka orsamentu
ba iha Munisipiu hotu-hotu hodi halo prepasaun ba komemora
restaurasaun independensia 20 de Maiu nian. Tanba ne’e mak ami tenki
kopera didiak se lae servisu ida deit osanmentu bele dopla, Nune’e mak
SEPFOPE presija halo kordenasaun diak ho MAE,” dehan Diretor Jeral.
Alende
ida ne’e diretor mos dehan, orsamentu ne’e hosi Ministeriu Administrasaun
EEstatal mak aloka direta ba iha munisipiu ida-idak nian maibe iha aktividade
ne’ebe mak SEPFOPE atu fo ba komunidade sira ne’e kontinuasaun hosi V Governu
nian. Nia fo ezemplu, SEPFOPE iha area treinamentu nian nebe fo formasaun ba
joven sira iha area empregu sira tanba gora dadauk ne’e trabalhador
atus ida resin ba ona rai liur. (BT)
Business
Timor - TiNa
Sem comentários:
Enviar um comentário