Expozisaun
internasional 2015 iha Milano-Italia, lori grasa no ksolok boot ba Timor oan
sira, tanba Timor oan nia kafe orgniku terminadu hanesan primeiru lugar no
úniku kafe ne’ebe maka terminadu hodi konsumu iha area expo nia laran.
“Komesa Segunda feira (24/05/2015), uniku kafe Timor maka uza iha Expo Milano
nia laran no stand hotu-hotu iha Expo ne’e sei konsumu deit kafe Timor,”
informa Ministru Turismu no Arte Kultura, Francisco Kalbuadi Lay, Segunda
(18/5/2015), hodi responde jornalista kona-ba partisipasaun Timor nian iha Expo
Internasional Milano-Italia.
Expo
internasional ne’ebe partisipa husi nasaun lubun bot, inklui Timor Leste, hetan
bensaun rahun kmanek husi Sua Santidade Papa Francisco Bergoglio, ho mensagen
dame no paz ba mundu.
Entre
nasaun 10 ne’ebe maka tuir iha closer kafé iha Expo Milano ne’e, uniku kafe
Timor maka terminadu no desedidu hanesan kafe ne’ebe maka gostu tebes hodi hetan
gratifikasaun bele konsumu iha stand hotu-hotu iha area Expo nia laran.
Durante
fulan 6, hahuu iha 1 Maiu to’o 30 Outubru, tinan ne’e, kafe Timor maka sai
komoditi ne’ebe bele konsumu iha stand internasional hotu-hotu.
Expo
Milano ne’e halo Timor konhese liu tan iha mundu internasional, liu-liu kona-ba
produtu lokal Timor nian ne’ebe maka aprezenta iha Expo refere.
Susesu
boot Timor nian iha Expo Milano ne’e, tanba mos esforsu no sakrifisiu
koordenasaun diak husi Ministru Koordenador asuntus Ekonomiku no Ministru
Agrikultura e Peskas, Estanislau da Silva, Ministru Turismu no Arte Kultura
(MTAK), Francisco Kalbuadi Lai, Ministru Comerçio, Industria no Ambiente,
inklui membru Parlamentu Nasional ne’ebe maka hola parte mos iha serimonia
abertura Expo Milano, foin lalais ne’e.
Iha
Expo ne’e bandeira RDTL hamrik hafutar expo ho bandeira nasaun lubun boot
ne’ebe maka partisipa iha expo internasional iha rai Milaun-Italia. Ema
rihun-rahun, tama sai expo laran ho antusiasmu boot, sira hakat ba vizita stand
Timor nian hodi haree produtu organiku Timor nian ne’ebe maka aprezenta iha
expo nia laran.
Kafe
Timor la’os deit morin iha rai laran, maibe wainhira bainaka internasional
sira, inklui korpu dipolmatiku sira ne’ebe maka vizita mai Timor sempre simu prenda
husi nai ulun Timor nian ho kafe nudar icon produtu lokal Timor nian.
Eldifonso
Sarmento, nudar komunidade husi Distritu Ermera, senti ksolok tebes ho novidade
kafe Timor ne’ebe maka promove go international husi Ministeriu Turismu no Arte
Kultura no Ministeriu relevantes seluk tan.
Eldifonso
fiar katak, ho promosaun boot Governu nian iha Expo Milano ne’e bele atrai
investor internasional sira ne’ebe mak paritisipa iha Expo ne’e atu mai vizita
Timor no sosa kafe Timor ho folin ne’ebe maka justu no internasionalmente.
“Ita
lalika laran moras ba ema seluk nia susesu. Ita haree ba ita nia an no sukat ba
ita nia kapasidade. Expo internasional Milano ne’e halo morin ita nia naran no
promove ita nia produtu lokal nudar susesu ne’ebe ita agradese no elozia,”
afirma Eldifonso Sarmento, hodi hatan mos kona-ba ema balun nia afirmasaun
ne’ebe sempre hateke ho matan sorin ba Governu nia servisu no Ministeriu
Turismu no Arte Kultura nia knar.
Durante
ne’e Ministeriu Turismu no Arte Kultura hetan kritika maka’as husi ema balun
hodi saran dehan, MTAK la halo servisu, potensia turismu TL nian abandonadu no
Ministru rasik sai fali hanesan Ministru Negosiu Estranjeirus.
“Buat
sira ne’e ema ida-idak nia afirmasaun. Ba ha’u, importante maka lalika laran
moras ba ema seluk nia susesu,” hateten Eldifonso Sarmento. Lia
Jornal
Nacional
Sem comentários:
Enviar um comentário