DILI
- Reitor Universidade Oriental Timor Lorosa’e (UNITAL), Roberto Seixas Miranda
Jerónimo husu ba governu atu komemora aniversariu 20 de Maio tinan ida ne’e,
realiza mos iha suku sira atu komunidade bele sente festa komemorasaun
ne’e. “ Ita tenki realiza komemorasaun 20 de Maio mos iha suku sira
neebe mak iha 13 munisipiu,” dehan Roberto ba Business Timor iha nia servisu
fatin UNITAL, Becora, Segunda ( 11/ 05).
Tuir
Seixas katak 20 de maio normalmente komerasaun ne’ebe ema hotu
hatene ona, ema hotu tenke dada bandeira Nasional, iha parada ho
normal, iha mos atividade seluk. Tan ne’ebe sosiadade ka alunus
sira hala’o hanesan iha futebol, basketbol, volibol, halai taru no aktividade
oi-oin de’it mak tenki halo. Nia afirma liu tan katak komemorasaun
refere tenki hala’o hotu iha suku sira ne’ebe iha foho liu-liu iha area
remotes sira, atu nune’e labele konsentra de’it iha sidade Dili no
povo ne’ebe iha foho ne’e mos kuiñese saida mak signifikadu
ba komemorasaun 2o de Maio ne’e rasik.
Nia
hateten, kualker aktividade estatal tinan- tinan tenke aumenta tenke no evolui
i labele hamenus fali aktividade sira ne’ebe mak estadu tenke hala’o iha 20de
Maio. Nia husu atu programa ba komemorasaun tinan ida ne’e
tenke di’ak liu fali tinan uluk, hanesan tuir nia ezemplu aktividade desportivu
ba estudantes no sociadade tomak tenke hala’o ho di’ak. Nia
mos salienta liu tan katak dezenvolvimento iha kualker pais ida tenke la’o
etapa ba etapa. “Labele ita kalan ba toba, loron mai ne’e ita halo buat
hotu dala ida de’it ne’e la iha. Pur mais ke osan barak la halimar, tenke
programadu, tenke projetu ne’e tenke ser didi’ak atu implementa
dezenvolvimento ne’e mos la’o dia’k,” nia dehan.
Nia
subliña tan katak povo ne’e nia interese labele ho fali interese grupus ki’ik
oan ida nian maibe povu nasaun nia interese ida ne’e mak estadu tenke hala’o
duni. Iha oportunidade ne’e nia husu liu-liu ba joven sira, ba komunidade
em zeral katak tinan-tinan ita hala’o ita nia komemorasaun 20 de
Maio ne’e para atu hanoin fila fali ita nia luta ba ita nia independensia nebe
ita hala’o tiha ona iha 28 Novembro iha tinan 1975 depois mai restaura iha 20
de Maio 2002. Tanba 20 de Maio ida ne’e iha prezensa mundu internasional hotu
rekoinese I no mos ida ne’e ita tenke konserva didi’ak para ke 20 de Maio ne’e
metin tinan ba tinan. Nia mos husu ba jovens sira nafatin kontribui ba
estabilidade nasional hodi dezenvolve nasaun foun iha mineniu foun ida ne’e. (BT)
Business
Timor - Ej-3
Sem comentários:
Enviar um comentário