PM RUI PRESIZA HALO AVALIASAUN BA NINIA GOVERNASAUN

DILI - Membru Parlamento Nasional (PN) valoriza katak, kinerja servisu govern­asaun dr. Rui Maria de Araujo durante “loron 100 servisu”, hatudu duni progresu posit­ivu. Hatudu mudansa nebe signifikan maibe sira husu PM Rui presiza halo avaliasaun servisu ba kada ministeriu.

Valorizasaun hirak nee hatoo hosi deputadu nain tolu nebe hasoru iha tempo la hanesan iha Uma Fukun PN, Dili, Sesta sema­na kotuk, hane­san depu­tadu Virgilio Hornai (Bankada PD), deputadu Antonio Cerpa ((Bankada CNRT), no depu­tadu Felisberto Guter­res (Bankada Fretilin).

Nudar Chefe Governa­sa­un, PM Rui presiza halo avalia­s­aun total ba ninia membru govern­asaun. Tenki halo avali­as­aun klaru ba kinerja servisu kada ministeriu no kada secretariu estadu. Saida mak ministru sira halo ona, saida mak seidauk. Buat hotu tenki avalia. Tenki indika failansu servisu nebe akontese iha kada ministeriu no kada secretariu. “PM Rui tenki iha ninia catatan rasik konaba serv­isu kada ministeriu no secretariu durante loron 100 servisu ba ninia governasaun. Sertamente, ita hotu espera, susesu servisu nebe akontese, tenki sai sasukat ida ba sira nia target servisu. Servisu minimu, ninia present­a­gen hira, susesu nebe hetan, ninia presentagen hira. Buat hotu tenki klaru,” hatete Virgilio ba jornalista iha Uma Fukun PN, Dili, Sesta (8/5).

Iha VI Governu Konstitu­sional, iha ninia estrutura. Iha Ministru Estadu Asuntu Linha Ministerias. Membru PN tomak husu ba PM Rui presiza rona no haree servisu kordenador de asuntus sosiais, ekonomia, administrasaun i justica. Atu nunee bele hetan informasaun geral konaba pontu de vista ba situasaun ou andamentu servisu kada ministru kada no sekertariu estadu.

Deputadu Antonio Cerpa valoriza, loron 100 servisu governasaun Rui Maria de Araujo planu estratejiku V Gover­nu Konstitusional. “Hau nia hare nee, VI Governu Kontitusional halo servisu diak. PM Rui konse­ge reforma buat hotu. Asu­ntu ida kona­ba osan merenda ba funsio­nariu publiku. Osan merenda nee, PM Rui halakon tiha tamba kada tinan gasta deit osan. Kada fulan funsionariu simu salario, sura loron ba servisu sei han tan. Deputadu Felisberto Guterres sente louva ba servisu PM Rui.

Nia haree, durante loron 100 servisu governasaun Rui Maria de Araujo, hatudu duni indika­saun positivu. PM Rui iha vontade duni bot hadia kualid­ade servisu ba kada ministeriu no kada secretariu estado. “Soo ke, tempu servisu ba PM Rui maka badak liu. Karik nia servisu too tinan 5, hau sente PM Rui sei muda buat barak,” hatete deputadu Felisberto. Carme Ximenes

Suara Timor Lorosae