REVISTA LAHIA DESPAISU TRIBUNAL, ABILIO HASORU TAUR

DILI - Revista nebe Polisia Nasional Timor Leste (PNTL) halo ba rezidensia Abilio Araujo iha fulan hirak liu ba, halo Abilio Araujo ho nia familia hasoru malu ho Prezidente Republika Taur Matan Ruak, tamba revizta nee laiha despaixu husi Tribunal.

Remata hasoru malu ho Prezidente Republika Taur Matan Ruak, Abilio Araujo hatete marka prezensa iha palasiu prezidensial hamutuk ho nia familia, hodi koalia kona ba asaltu nebe maka forsa konjunta halo ba nia rejidensia.

Hau mai ho hau nia oan feto, koalia ho Prezidente kona ba asaltu nebe forsa konjunta halo ba hau nia uma no hau nia fatin,” dehan Abilio ba Jornalista Tersa (12/05/2015) iha Palasiu Prezidensial Nicolao Lobato.

Nia hatete too oras nee seidauk koalia ho komonikasaun social, maibe hein katak buat nebe maka akontese labele akontese tan tamba situasaun ida nebe mak grave ho atuasaun nebe halao iha kalan boot.

Iha fatin ketak membru komisaun C astuntu Seguransa, Defeza no Negosiu Estranjeiru Cesar Valente hatete sidadaun hotu-hotu bele lori buat nebe maka nia senti ba prezidente no konstitusaun mos garante labele viola ema nia uma no hela fatin.

Nune mos deputadu Bankada Fretilin Eladio Faculto hatete, investigasaun nebe halao husi polisia sira ba iha Abilio Araujo nia uma, kuandu laiha autorizasaun husi Tribunal nee presiza hare prosedementu nebe maka iha ho didiak. Informasaun kompletu iha STL Jornal no STL Web, edisaun Kuarta (13/5/2015). Timotio Gusmao

Suara Timor Lorosae