Jornal
Nacional Diário - editorial
Ohin
loron nee governu Timor Leste, Portugal Telekom Internasional (PTI) ho
asionista sira iha Timor Telekom preokupa ho distinu Timor Telekom nian tamba
Portugal Telekom deside ona atu faan ninia asaun ‘ saham’ iha tempo oin mai.
Portugal
Telekom asina akordu governu Timor Leste iha loron 19 fulan Outobro 2002 nebe
asina husi Jose Rodrigues Jardim reprezenta Portgal Telkom Internasional ho
asionista Timor oan balu, Oscar Lima, Julio Alfaro, Manuel Viegas Carrascalão.
Asionista
iha TT iha momentu neba laos PTI nian deit maibe joint venture, PTI iha saham
50,5%, emprezariu timor oan 16,5%, governu Timor Leste 16,5% sidadaun baibain
ka seitor privadu em jeral 6% no emprezariu Fodatel Macau 10,5%, nebe total
asaun Telekomuniasaun Timor Leste ‘ Timor Telekom’ 100%.
Timor
Telekom manan konkursu internasional nee, Telestra origado sai nonok deit,
operador ofisial telekomunikasaun iha Timor Leste TT hodi establese rede
telekomunikasaun iha Timor Leste nebe iha kontratu too tinan 15 nudar operador
unico iha pais nee, hahu tinan 2002- 2017.
Maibe
monopolia Timor Telekom nee seidauk remata, iha Governu Aliansa Maioria
Parlamentar halo mudansa Kontratu hodi fo liberalizasaun telekomunikasaun iha
Timor Leste, Digicel nebe prepara atu kompeta ho TT mos ikus mai rezigna an tamba
mosu Telkomcel ho Telemor husi Vitel- Vietnam nian.
Agora
Portugal Telekom hakarak faan ninia asaun nee ba telekomunikasaun seluk, nee
ninia direitu Maibe ketak haluhan katak estadu Timor iha ninia asaun iha laran,
emprezariu nebe asaun iha laran tenki konsulta ho sira, asaun nee atu faan ba
se? Eh TT nee futuru investementu Timor nian, hakarak ka lakohi tenki Timor mak
tenki sosa asaun nee.
Depois
de kuaze tinan 13, Timor Telekom opera iha Timor Leste, asaun neebe iha nee mos
faan ba Mai, Oscar Lima nian faan tiha ba Fundasaun Sao Jose, asaun governu
nian mos husi 16,5% sae ona 20,49%, Portugal Telekom tuna ba 52% maibe
Fundasaun Oriente nian 9%, Portugal Telekom hela ho 43%.
Tan
nee se Portugal telekom faan ninan 43 % nee, tenki koalia ho governu Timor nian
20,49% atu bele deside, tamba TT nee nudar patrominia investementu Timor Leste
nian tan nee se PTI hakarak faan diak liu ba ba governu Timor Leste duke faan
ba telekomunikasaun nasaun seluk nian nebe loron ikus bele ameasa ba seguransa
no estabilidade pais nee.*
Sem comentários:
Enviar um comentário