Iha
loron-kuarta ne'e aviaun militár sira monu iha Birmánia no iha Indonézia hodi
halo, pelumenus, ema na'in hitu mate.
Iha
Birmánia, mate ona ema na'in haat no ema ida seluk hetan kanek bainhira aviaun
militár monu besik aeroportu internasionál Naipydow, iha besik kapitál nasaun
nian, hatete hosi fonte ofisiál sira ne'ebé haktuir hosi meiu komunikasaun
sosiál lokál sira.
Aparellu,
hosi fabrikante Beech Aircraft Corporation, monu iha kampu agríkola ida tanba
razaun sira ne'ebé seidauk hatene, hafoin semo tiha, haktuir hosi fonte
hanesan.
Iha
fatin seluk, iha Indonézia, aviaun militár ida monu iha uma ida nia leten
durante teste semo nian. Pilotu no ema na'in rua seluk ne'ebé iha aviaun laran
mate, haktuir hosi fonte ofisiál.
Aviaun,
kasa ida Super Tucano, monu hafoin semo tiha hosi baze militár ida iha este
illa Java nian, esplika hosi komandante baze nian, Djoko Senoputro.
Indonézia
sosa ona aviaun Super Tucano hamutuk 16 hosi Brazil, ho folin dolár millaun
260, no to'o agora simu ona aviaun ualu.
Forsa
Aérea indonéziu fó sai ona katak loke ona investigasaun ida hodi hatene kauza
sira hosi asidente, ne'ebé akontese liutiha fulan rua hafoin, iha Dezembru
2015, pilotu na'in rua mate ona bainhira aviaun militár ida monu iha sentru
Java nian durante manobra sira treinu nian.
Iha
fulan-Juñu, C-130 ida ne'ebé monu iha bairu rezidensiál iha Medan, sidade boot
hosi illa indonéziu Sumatra, halo ema na'in 142 mate.
SAPO
TL ho Lusa – Foto: Aviaun ne'ebé monu iha Birmánia. EPA@ Thar Byaw
Sem comentários:
Enviar um comentário