Partidu
Traballista australianu (ALP), iha opozisaun, kompromete ona iha loron-kuarta
ne'e submete desizaun arbitrál internasionál ida kona-bá disputa fronteira tasi
nian ho Timor-Leste bele to'o iha poder.
Visi-líder
hosi opozisaun no porta-vós ALP nian ba Negósiu Estranjeiru sira, Tanya
Plibersek, garanti ona katak sei hanesan postura hosi nia partidu bainhira
negosiasaun sira la'o ho di'ak entre parte rua la hetan akordu ida.
Pozisaun
hosi ALP, fó sai hosi Plibersek iha intervensaun ida loron-kuarta nian iha
National Press Club iha Canberra, la hanesan ho pozisaun ofisiál hosi Governu
Austrália nian ne'ebé la simu arbitrajen internasionál iha prosesu ne'e, maski
akordu ne'ebé agora daudaun hala'o ho Timor-Leste hodi haree posibilidade ne'e.
Iha
kauza maka rekursu sira iha valór dolár millaun sanulu resin ba Timor-Leste nia
kofre, ne'ebé defende aplikasauan hosi liña medianu ida, hanesan hatete iha Lei
Tasi nian, iha Tasi Timór, entre nia teritóriu no australianu nian.
Pblibersek
lamenta ona papel Austrália nian hodi hetan independénsia Timor-Leste nian sai
foer tanba rekuza iha Canberra hodi halo negosia fronteira permanente ida ho
Timor-Leste.
"Disputa
kona-bá fronteira tasi nian kontamina ona relasaun sira ho ami nia viziñu foun.
Ne'e tenki muda ba sira nia di'ak no ami nia di'ak", nia afirma.
Dirijente
hosi opozisaun fó hanoin katak iha fulan liubá, iha Washington,
primeiru-ministru australianu, Malcolm Turnbull, defende ona importánsia hosi
Konvensaun ONU kona-bá Lei Tasi nian (koñesidu ho sigla UNCLOS) no apela ona ba
Xina no nasaun sira seluk hodi rezolve sira nia problema, iha tasi Súl Xina
nian, hanesan ezemplu, respeita lei internasionál.
Maibé,
Pblibersek fó hanoin katak Austrália la tuir nafatin sistema ne'e maski
Timor-Leste hanesan ezemplu iha asuntu ne'e.
"Austrália
eziji beibeik atu nasaun sira seluk kumpri norma internasionál sira hodi
rezolve problema sira. Ami hakarak insisti atu nasaun sira seluk tenki respeita
regra sira, ami mós hakarak atu kumpri", nia afirma.
Hafoin
hetan akordu temporáriu ida kona-bá Tasi Timór ho Timor-Leste iha 2002,
Austrália husik ona mekanizmu rezolusaun ba problema sira hosi UNCLOS, tanba
Timor-Leste labele hato'o ba arbitrajen.
Timor-Leste
husu kona-bá legalidade hosi tratadu ne'ebé agora daudaun hala'o tanba
konsidera katak akordu ne'e taka iha tempu ne'ebé Austrália hahú halo
espionajen iha Díli.
Asuntu
ne'e sai polémiku tanba foin lalais Governu australianu lakohi fó pasaporte ba
eis-espiaun ne'ebé tenki sai sasin iha Tribunál Arbitrál iha Haia kona-bá
sistema espionajen ne'ebé, ho pedidu Canberra nian, instala ona iha Palásiu
Governu Timor-Leste nian iha 2004.
Espiaun
australianu sira lidera ho sasin ne'e (koñese de'it hanesan "sasin
K") aproveita ona obra sira rekonstrusaun iha eskritóriu sira hosi Governu
timoroan nian iha Díli, fo hanesan koperasaun humanitáriu hosi Austrália, hodi
instala ekipamentu espionajen nian.
Díli
hato'o ona kesar ida iha Tribunál Arbitral Haia, ho argumentu katak tanba asaun
sira hosi Governu australianu, tratadu ne'e hanesan ilegal.
Iha
prosesu ne'e, sasin "K" hanesan importante, maibé mane ne'e hetan
bandu hodi labele sai hosi Austrália hahú tinan 2012, bainhira ajente sira hosi
ASIO (serbisu sekretu australianu sira nian) hahú tama iha nia uma hodi prende
dokumentasaun sira seluk no ba nia pasaporte.
Iha
inísiu fulan-Dezembru 2013, ajente sira hosi ASIO hahú mós tama iha eskritóriu
hosi advogadu Timor-Leste nian Bernard Collaery, iha Canberra, hodi prende
dokumentasaun ne'ebé pertense ba Governu timoroan.
Materiál
ne'e inklui "detalle sira kona-bá atividade sira espionajen nian hosi
parte Austrália nian relasionadu ho Timor-Leste, durante negosiasaun hosi
Tratadu kona-bá Determinadu Ajuste Marítimu sira nian iha Tasi Timór
(DAMMT)", haktuir hosi Governu timoroan.
SAPO
TL ho Lusa
Sem comentários:
Enviar um comentário