Prezidente
saun-tomense, Manuel Pinto da Costa, demiti ona, iha loron-kuarta ne'e,
ministru Justisa no Direitu Ema nian hosi nia funsaun sira hosi Governu
konstitusionál XVI, Roberto Raposo, hatete hosi dekretu prezidensiál ida.
Pinto
da Costa hatete iha dekretu katak demisaun ne'e halo "ho proposta hosi
primeiru-ministru no xefe Governu nian", Patrice Trovoada.
Demisaun
hosi Roberto Raposo akontese semana tolu hafoin deklarasaun sira hatete katak
durante audisaun parlamentár ida ne'ebé prokuradór no majistradu sira hosi
Ministériu Públiku no tribunál sira sai hanesan "prinsipál kulpadu
sira" tanba aumentu hosi sala oioin ne'ebé akontese iha nasaun no laiha
kapasidade hodi kaer sira nia knaar.
Deklarasaun
sira fó sai hosi imprensa no hamosu reasaun oioin hosi primeiru-ministru, hosi
prezidente Supremu Tribunál Justisa nian (STJ), hosi majistradu sira Ministériu
Públiku (MP) nian no hosi Asosiasaun Sindikál hosi Majistradu judisiál sira.
Hosi
polémiku ne'e, primeiru-ministru husu ona, iha karta ne'ebé haruka ba xefe
Estadu saun-tomense nian, demisaun hosi ministru ne'e.
Karta,
ho loron 05 Fevereiru, hatete katak "tanba demisaun hosi dekretu
prezidensiál, kargu" ne'ebé kaer hosi Roberto Raposo "sei akumula
hosi membru seluk Governu nian to'o nomeia titulár foun ida", ne'ebé bele
akontese iha loron hirak tuirmai ne'e.
SAPO
TL ho Lusa
Sem comentários:
Enviar um comentário