IGREJA APELA JOVENS UJA INTERNET HO EDUKATIVU

Bispu Diocese Dili, Dom Vírgilio do Carmo da Silva, SDB, husu ba Joven sira hotu atu uja redi sosial internet ho edukativu.

“Dala barak ita la uja buat hirak ne’e la tuir buat ne’ebe los ho valor edukativu, ida ne’e ha’u hanoin ita presija liu-liu ba joven sira uja buat sira didiak tamba dala barak ita uja buat sira ne’e para trata malu, uja mensagem anonim ba malu, ida ne’e lolos ne’e laiha  etika mak ne’e,”haklaken, Dom Vírgilio do Carmo da Silva, SDB, ba Jornalista sira iha Kuartel Jeral PNTL, Caicoli-Dili, Kuarta (22/06/2016).

Bispu Diocese Dili ne’e esplika, buat ida media teknologia ne’e buat diak ida, kaer deit ba Bill Keyt  ida ne’ebe kria Microsoft ne’e rikasu mundu ne’ebe hahu mundu computer mai husi nia hanoin.

Bispu hatutan katak, Bill Keyt halo tiha computer ne’e, nia fo lisensa ba nia oan atu bele iha computer oin la liu oras ida, nia dehan liu husi oras ida ne’e la’os ona buat ida eskola nian, maibe nia esplora nia sei la’o pasiar i nia sei la aproveita.

“Ha’u hanoin los duni buat ida perkore husi internet, facebook (FB) ne’e buat ida diak meius ida atu fasilita ita atu asesu ba komunikasaun, maibe dala barak mos ita uja la tuir ninia dalan, ita hotu uja atu eduka ita nia an rasik,”esklarese Dom Virgilio.

Tamba ne’e Bispo Diocese Dili apela ba Timor oan hotu atu uja internet eduka án rasik , atu kontrola án oinsa mak uja internet tuir nesesidade estudu, informasoens, no peskija nian. Eus

Jornal Nacional