DILI
– Krime hana malu uza rama ambon iha sidade Dili laran kontinua akontese
iha fatin-fatin no krime nee akontese tanba organizadu tebes husi ema balu.
Deklarasaun
nee fo sai husi Diretor Ezekutivu NGO Fundasaun Mahein neebe mak servisu konaba
peskiza no monitorizasaun ba seitor siguransa no defeza, Nelson Belo, ba STL
iha ninia servisu fatin Delta Segunda (27/06/2016).
Krime
neebe mak akontese hodi ataka ema se deit mak lao iha dalan hanesan baku no
sona ema liu-liu hana uza rama ambon nee maioria halo husi foin sae sira no nee
hanesan krime organizadu. Tanba saida mak krime organizadu rama ambon nee sai
tiha fali kontestu nasional nee tanba krime nee organzadu nee sira hatene
situasaun molok ataka ema seluk atu nunee bele ses husi sigurasa,” dehan
Nelson.
Nia
dehan tuir monitorizasaun husi Fundasaun Mahein nian ba krime rama ambon neebe
mak durante ne akontese iha joven balu mak mai husi bairo seluk hodi ataka ema
iha fatin seluk. Nelson hatutan kulpa nee laos deit ba PNTL, maibe ba mos
intitusaun hotu liu-liu ba ida neebe mak tau matan ba joventude sira ho rajaun
joven kontinua halo krime tanba lahetan formasaun ruma husi estadu. Laos nee
deit Nelson dehan maske PNTL kaptura ona balu maibe tanab deit prosesu lao la
diak maka halo ema neebe komete krime nee halai lakon hotu.
Iha
fatin hanesan Deputadu, Cessar Valente, mos hatete katak krime rama ambon
kontinua akontese iha sidade Dili laran tanba deit servisu inteljensia nian mak
fraku hodi fo espasu ba ema atu halo krime. Informasaun kompletu iha STL Jornal
no STL Web, edisaun Tersa (28/6/2016). Thomas Sanches
Suara
Timor Lorosae
Sem comentários:
Enviar um comentário