KONTRUKSAUN BE MANAS MAROBO TO’O ONA 81%

Secretariu Estadu Politika Formasaun no Empregu (SEPFOPE) Ilidio Ximenes informa, konstruksaun fatin turismu be manas marobo munisipiu Bobonaro to’o ona pursentu 81.

Orsamentu ne’ebe aloka ba fatin turismu komunitariu ne’e hamutuk $498,860 ne’ebe ninia konstrusaun kaer husi  Swasta Kontruksaun Unip.Lda ho numeru benefisiariu nain 35.

Nia haktuir, informasaun ne’ebe nia rona katak iha Domingo turista domestika nain 300, inklui malae sira mak vizita fatin refere, entaun nia fo konkluzaun katak, be manas Marobo atrai duni ema.

“ba hau se fatin ne’e mak ema mai ona, entaun ita mos tenki kria lei para selu, se selu ona entau kuda ona osan iha ne’e,“dehan Secretariu Estadu SEPFOPE  Ilidio Ximenes ba jornalista sira iha be manas Marobo, Sabadu (11/6/16).

Entretantu, tanba ne’e maka presensa SEPFOPE  atu hare besik liu tan para iha planu foun ruma ba oin ou lae  hare komunidade  sira mos iha planu foun ba oin sira nia   presenja ida ne’e agora komesa  alin sira haris bara-barak iha ne’eba ne’e hatudu sira kontente.

Nia esplika, be manas Morobo ne’e laos haris deit, maibe tuir saude nian ba ema sira ne’ebe maka moras kulit bele kura no mos bele trai sira ne’ebe maka hare tia ho tiu ne’ebe maka idade liu ona.

Nia mos haktuir, fatin sira agora ne’e iha uluk liu iha be turismu be manas pixina ida deit no iha uma antigu iha laran, inklui kazerna militar.

Konstruksaun ne’e malae mutin maka halo i depois mai Indonesia nia tempu halo rehablitasaun uitoan no agora ita kontinua. Eti

Jornal Nacional