Diariutimorpost - Amu Bispu Dioseze Dili, Don Virgilio do Carmoda Silva, SDB, kongratula komunidade
musulmanu iha mundu liuliu iha Timor
Leste ne’ebé selebra ona loron Idul Fitri iha Kuarta (06/07).
Don
Virgílio subliña, relijiaun hotu-hotu nia fi’ar ida de’it mak Aman
Maromak, maske nia doutrina mak la hanesan. Tanba ne’e, hotu-hotu iha dever atu
kontribui ba paz no dame iha mundu.
Ba
Jornalista Timor Post iha rejidénsia Bispu Dili, Kinta (07/07), Don Virgílio
hatutan, relijiaun ida-idak selebra ninia loron no halo jejún hanesan
sakrifísiu no rekoñese ema ida-idak nia frakeja.
Don
Virgílio dehan, hare kona ba Maromak nia mizerikordia ida ne’e ita nia amu Papa
mós iha tinan ida ne’e apela ba ita sarani katolika no sarani religiozasira
hotu maske ita fi’ar la hanesan maibé ita iha neon ida de’it ba Maromak.
“Ita
mak hatene atu oinsa mak aproveita oportunidade ida ne’e atu renova ita nia an
nu’udar ita sarani katoliku kamusulmanu ne’ebé Maromak bolu ita hamutuk
atu moris iha dame no paz I bolu nafatin atu rekunsilia nafatin maske ita iha
diferensa religioza,” subliña Don Virgílio.
Bispu
Dili ne’e dehan, ho selebrasaun ita nia maluk musulmanu sira halo ne’e hanoin
ita kongratula sira fo parabeins ba sira ho ida ne’e ita mós hein ho
selebrasaun ida ne’e liuhosi sira nia festividade sira ne’e atu sira bele
renova sira nia an no hametin liu tan sira niarelasaun ho Maromak,
bainhira sira nia relasaundiak jatamente bele ajuda mós ita hotu bele moris iha
harmonia I paz nia laran.
“Ha’u
nia hare iha Timor Leste ita nia lei rasik loke dalan ba ita atu respeita ba
malu i haklaken ita nia fi’ar ba iha religioza sira no iha ita nia
kultura rasik mós to agora la iha problelma entre religiaun bo’ot sira liu-liu
Katolika no Muslimanu ita idaidak hala’o niafiar ho hakmatek no iha hau
nia esperiensia pesoal uluk to agora ita sempre servisu hamutuk no sarani sira
mós iha kompriende di’ak ba malu,” hatete Don Virgílio.(mj1)
Timor
Post
Sem comentários:
Enviar um comentário