Institutu
Camões fó ona, ba tinan letivu oinmai, bolsa foun hamutuk 94 ba ensinu superior
iha Portugal, ne'ebé destinadu ba estudante sira hosi nasaun afrikanu sira ho
lian portugés no Timor-Leste, nune'e apoiu total aumenta ba 209.
Tuir
nota ida ne'ebé fó sai iha loron-kinta ne'e iha pájina internet Camões -
Instituto da Cooperação e da Língua nian, organizmu ne'ebé kaer hosi Ministériu
Negósiu Estranjeiru disponibiliza ona, ba tinan letivu 2016/2017, bolsa foun
hamutuk 94 ba Nasaun Afrikanu sira ho Lian Ofisial Portugés (PALOP) no
Timor-Leste.
Bolsa
sira ne'e destina ba lisensiatura sira, mestradu sira no doutoramentu sira, no
tau hamutuk ba bolsa formasaun nian hamutuk 115 iha Portugal ne'ebé hala'o
daudaun tuir akordu sira koperasaun nian ne'ebé hala'o daudaun, refere hosi
informasaun hosi Camões.
Hamutuk,
tinan ne'e fó ona bolsa hamutuk 209 ba formasaun iha nasaun, ne'ebé hatudu
"esforsu hosi Portugal iha área ida ho efeitu multiplikadór no transversal
sira iha sosiedade ne'ebé hanesan destinu nian", haktuir hosi institutu.
"Lisensa
ba bolsa estudu sira hodi frekuenta ensinu superior iha Portugal hanesan
instrumentu ida ne'ebé relevante liu hosi polítika esternu no ne'ebé kontribui
liu hodi hametin lasu sira entre nasaun sira, iha área oioin sira koñesimentu
nian", subliña hosi organizmu ne'ebé kaer hosi Ana Paula Laborinho.
Camões
destaka katak atribuisaun ba bolsa sira hanesan komponente importante hosi
koperasaun portugés ho nasaun datoluk sira, "kontribui ba nia kapasitasaun
no dezenvolvimentu sustentadu, lori hosi espíritu partilla no amizade nian
ne'ebé hanesan modelu hosi relasaun sira entre Portugal ho nasaun sira
ne'e".
SAPO
TL ho Lusa
Sem comentários:
Enviar um comentário