DILI
(ANTIL) - Vise Xefe Estadu Maior Jeneral F-FDTL, Brigadeiru Jenerál
(Brigjen) Forsa Defeza Timor-Leste (F-FDTL), Filomeno Paixão, informa ba
Prezidenti Repúblika (PR), Taur Matan Ruak iha Palásiu Prezidensiál,
Bairu-Pité, Dili, Kuarta (03/08), kona-ba dezenvolvimentu komponente, liu-liu
Unidade Polísia Militár no Unidade Forsa Espesiál no difikuldade forsa hasoru.
Tuir
Filomeno, durante ne´e Komponente Naval la hala´o nia atividade ho efetivu
tanba ró patrollamentu át. “Ró patrollamentu ida ne´ebé ajuda hosi Korea, oras
ne´e tama iha doka (manutensaun) maibé besik atu rekopera,” Brigjen Filomeno
informa.
Entertantu,
ró rua hosi Xina ne’ebé mós át iha ona prosesu hadia husi tékniku hosi
Xina no prontu atu hala´o hikas ptrollamentu kontrola peskal ilegál no seluk
tan.
Maske
iha problema, Komponente Naval konsege hamenus volume atividade peska ilegál
durante tinan 2016.
Kona-ba
loron FALINTIL 20 Agustu 2016, F-FDTL hein diretiva polítika hosi Ministériu
Defeza, kona-ba atividade no forma komemorasaun ne´e.
Tinan
ne´e, tuir Filomeno, sei laiha seremónia reformasaun ba membru no
ofisiais F-FDTL. “Ami sei halo preparativu ba membru no ofisiais F-FDTL ne´ebé
saúde la permite no idade avansadu. Tanba ne´e, tinan oin maka sei realiza,”
nia esplika. (Jornalista: Xisto Freitas/editor: Otelio Ote)
Sem comentários:
Enviar um comentário