DILI
(ANTIL) - Prezidenti Parlamentu Nasionál, Aderito Hugo da Costa, informa
violasaun direitus umanus iha Timor-Leste durante okupasaun Indonézia ne´e
resposanbilidade koletivu maibé la’os pesoál.
“Bazeia
ba rezolusaun hosi Komisaun Verdade no Amizade (CVA) katak erru ne´ebé komete hosi
jenerál Indonézia sira inklui Wiranto ne´e responsabilidade koletivu la´os
pesoal,” Hugo dehan ba jornalista sira iha Palásiu Prezidensiál,
Bairu-Pité, Segunda (01/7), relasiona ho preukupasaun ativista timoroan no ONU
kona-ba Governu Indonézia nomeia Eis Jenerál Wiranto ba Ministru Koordenadór
asuntu Justisa no Seguransa.
Tuir
Hugo katak nomeia Eis Jenerál Indonézia, Wiranto, ba Ministru Koordenadór
asuntu Justisa no Seguransa ne´e kestaun internasionál Indonézia nian.
“Hafoin
Pós Referendu 1999, estadu rua (TL no RI) ne´e tama iha pensamentu ida de´it
oinsá bele haree ba futuru relasaun nasaun rua ninian,” nia haktuir.
Eis
jornalista informa katak ema hotu-hotu bele fó opiniaun ba kestaun ne´e, maibé
intermus polítika bilaterál nasaun rua, asuntu pasadu ne´e
responsabilidade koletivu. (Jornalista: Xisto Freitas/Editór: Gantry
Meilana)
ANTIL
Sem comentários:
Enviar um comentário