Metade hosi labarik mosambikanu barak iha risku desnutrisaun tanba dieta laloos

Metade hosi labarik  barak iha Mosambiké hetan desnutrisaun tamba konsumu alimentu seluk  ne’ebé  laós susubeen inan nian iha fulan neen primeiru, informa iha ohin diretór adjuntu Saúde Públika.

Quinhas Fernandes, ne’ebé koa’lia  durante konferénsia imprensa kona-ba  balansu Semana Saúde nian iha Maputo, hatete katak iha deit  43% hosi labarik sira iha  Mosambiké susu inan ninia susubeen iha fulan neen primeiru, situasaun ida ne’ebé  preokupante tebes hodi  koloka labarik liu metade ho menoridade iha risku.

Tuir  diretór adjuntu Saúde Públika, aléinde desnutrisaun, ba labarik sira ne’ebé laalimenta ho  eskluzivu inan nia susubeen iha fulan neen primeiru bele kauza moras  relasiona ho ijiene no difikuldade ba dezenvolvimentu intelektuál.

"Labarik ida ne’ebé monu ba situasaun ne’e, iha futuru, hasoru risku atu dezenvolve moos kuadru desnutrisaun ne’ebé halo dezenvolvimentu intelektuál kiik liu", afirma Quinhas Fernandes, konvida atór sosiál hotu atu envolve iha kampaña sensibilizasaun hodi hakotu problema ne’e.

Relasiona ba  Semana Saúde nian, diretór ne’e halo balansu pozitivu ida , haktuir katak, tuir  dadus preliminar, labarik sira liu millaun haat simu ona  suplementu ho vitamina A entre 25 no 29 jullu no 8.145 seluk , ho sintomas tuberkulose, haruka ona ba unidade ospitalar hotu nasaun nian.

"Prosesu ne’e sei kontinua durante  fulan  agostu no hein  iha partisipasaun di’ak  liu", konklui Quinhas Fernandes.

SAPO TL ho Lusa