DILI
(ANTIL) — Prokuradór Jerál Repúblika, Dr. José Ximenes, informa autór
oknum polísia ne´ebé foin lalais baku jornalista ne´e bele hetan kastigu iha
prizaun mínimu fulan tolu no másimu tinan 3 (tolu).
José
hato´o infomasaun ne´e ba jornalista sira iha Palásiu Prezidénsia Repúblika,
Bairu-Pité, Dili, Segunda (01/08), hafoin ramata inkontru ho Prezidenti
Repúblika, Taur Matan Ruak.
Nia
konsidera katak asaun baku ne´e hanesan ofensa korporais simples (agresaun
fíziku). Oras ne´e, nia haktuir, Prokuradoria Distritál Dili maka halo hela
investigasaun no hein katak fulan ida no rua bele hotu.
Entretantu,
vítima agresaun fíziku hosi oknum polísia, Jerónimo Amaral da Silva, intrega
ona ninia kazu ba Ministériu Públiku iha Kinta (28/7/2016). Númeru rejistu ba
kazu ne’e maka 1665.
“Ha’u
hanesan vítima, lakohi halo rekonsiliasaun ho oknum polísia ne´e. Ha’u
hakarak lori kazu ne’e ba iha Tribunál para bele hetan dalan ne’ebé loos tanba
Tribunál maka dalan ne’ebé di’ak liu atu fó solusaun ba problema ne’e,”
jornalista Business Timor ne´ebé hetan baku iha 25 Jullu liu-ba hato´o
informasaun ne´e ba ANTIL iha nia kna´ar fatin, Kolmera, Dili, Sesta
(29/7/2016).(Jornalista: Xisto Freitas/Editór: Gantry Meilana)
Sem comentários:
Enviar um comentário