DILI
– Timor Leste seidauk iha lei implementa Zona Ekonomia Espesial Sosial
Merkadu (ZEESM) lolos, tamba projetu neebe mak oras nee implementa iha Oecusse,
nudar infrastrutura baziku hodi tama ba ZEESM.
Tuir
Vice Prezidente Komisaun A Parlamentu Nasional Asuntu Konstitusionais, Justisa,
Admistrasaun Publika, Poder Lokal no Anti Korupsaun Arao Noe hatete aktividade
neebe mak halo iha Oecusse, prepara infrastrutura bazika no kondisaun atu
estabelese Zona Ekonomia Espesial Merkadu.
ZEEMS
nee Zona Ekonomia espesial ita tenki iha lei ida maibe ita seidauk iha lei
neebe koalia kona ba ZEEMS lolos, iha lei ida RAEOA nee artigu balun hatete
ZEEMS sei regula ho lei rasik, maibe lei nee seidauk iha,” dehan Arao ba STL
Kinta (14/09/2016) iha PN.
Nia
hatete ZEESM programa governu nian neebe estabelese liu husi kria Autoridade
Rezional Oecusse, Reziaun Espesial Administrativu Espesial Oecuse Ambeno, hodi
prepara Zona Ekonomia Espesial hodi fo kompetensia Prezidente sai hanesan
administrador no prepara ba implementasaun ZEESM.
Hatan
kona ba orsamentu Estadu neebe aloka ba ZEESM, Arao hatete orsamentu neebe mak
tau nee atu halo preparasaun kondisaun, seidauk tama lolos iha Zona Ekonomia
Espesial.
Iha
fatin hanesan Deputadu bankada Frente Mudansa Jose Luis Guterres hatete kria
lei ZEEMS iha artikuladu neebe fo poder ba autoridade rejiaun nian, atu bele
promove investimentu no prosesu tender. Informasaun kompletu iha STL Jornal no
STL Web, edisaun Sesta (16/9/2016). Timotio Gusmao
Suara
Timor Lorosae
Sem comentários:
Enviar um comentário