Imprensa hosi nasaun luzófonu sira destaka eskolla Guterres nian hanesan favoritu

Eskolla ba António Guterres nu'udar favoritu ba sekretáriu-jeral ONU nian sai ohin hanesan notísia iha jornal sira hosi nasaun sira lian portugeza nian, hanesan Jornal de Angola ne'ebé hakerek katak Portugal agradese apoiu hosi Luanda iha eleisaun.

"Portugal agradese apoiu" hanesan títulu manxete iha Jornal de Angola, ne'ebé hatudu notísia ho fotografia ida hosi sekretária Estadu Negósiu Estranjeiru nian no Koperasaun Portugal nian, Teresa Ribeiro, hakohak nia homóloga angolana, Ângela Bragança, ne'ebé hasoru malu iha loron-kuarta ne'e iha Luanda.

Tuir jornal, Teresa Ribeiro agradese ona "ho forma espresivu apoiu Angola nian", bainhira membru la permanente hosi Konsellu Seguransa ONU nian, iha prosesu eleisaun hosi eis-primeiru-ministru portugés nian.

Iha Mosambike, jornal País hakerek iha pájina dahuluk ""Português António Guterres pode ser confirmado hoje secretário-geral da ONU".

Jornal brazileiru Folha de São Paulo destaka mós iha pájina dahuluk eleisaun Guterres nian.

Ho títulu "Português é indicado para chefiar as Nações Unidas, jornal hatutan katak "indikasaun engana espetativu hosi feto ida hodi kaer ba dala uluk komando hosi ONU".

Iha Makau, Guterres hetan naran "O desejado" iha pájina dahuluk hosi jornal Hoje Macau, ne'ebé pinta pájina dahuluk tomak ho fotografia ida hosi eis-primeiru-ministru portugés.

Jornal O Democrata, hosi Guiné-Bissau, destaka notísia katak autoridade sira guiniense nian reaje ona "ho ksolok maka'as" ba eleisaun hosi António Guterres hanesan sekretáriu-jeral foun hosi ONU.

Jornal kabu-verdianu Expresso das Ilhas, indikasaun portugés ne'e nia sai hanesan tema ida iha destake, ho títulu "Guterres volta a vencer e está a horas de se tornar o novo Secretário-Geral da ONU".

Iha Téla Nón, hosi São Tomé & Prínsipe, títulu maka Conselho de Segurança recomendará António Guterres para novo líder da ONU.

Jornal sira iha Timor-Leste seidauk iha notísia sira kona-ba eskolla Guterres nian, ne'ebé fó sai iha madrugada (oras Díli nian), maibé ajénsia notísia sira nasaun nian hakerek ona katak ministru Negósiu Estranjeiru timoroan, Hernâni Coelho, felisita ona Guterres ba eleisaun ne'e.

Antigu primeiru-ministru portugés António Guterres hili ona, iha loron-kuarta, hanesan favoritu ba sekretáriu-jeral ONU nian hosi Konsellu Seguransa ba Asembleia-Jeral ne'ebé sei aprova nia naran iha loron hirak tuirmai ne'e.

Konsellu Seguransa fó sai iha loron-kinta ne'e katak portugés hanesan "vensedór loloos" hosi votasaun, simu votu korajen nian hamutuk 13 no abstensaun rua, ida hosi membru permanente lima hosi Konsellu Seguransa, ho direitu ba suspensaun.

Órgaun ne'e, ho poder ba suspensaun, sei aprova iha loron-kinta votasaun formal ida hodi indika António Guterres nia naran ba Asembleia-Jeral ONU nian, formaliza nune'e eleisaun hosi susesór Ban Ki-moon nian.

SAPO TL ho Lusa