XANANA GUSMÃO ENSERA KONFERENSIA ICETD

Ministru Planeamentu Investimentu Estratejiku (MPIE), Kay Rala Xanana Gusmão, Kuarta (26/10) ensera International Conference on Emering Tourism Destination (ICTED) Challenges and Oportunities ne’ebe organiza husi Ministeriu Turismu Arte e Cultura (MTAC) ho Dili Institute of Technology (DIT).

MPIE Xanana Gusmão fiar katak, universidade sira tenki tama iha papel ne’e, atu deskute objetivu sira ne’e.

“Ba dala uluk hau hakarak kongratula DIT no ministru MTAC ne’ebe mak organiza konferensia ne’e no mos peritus sira hodi fahe sira nia esperensia no sira nia matenek iha setor ne’ebe mak importante atu dezenovlve ekonomia Timor,’’ dehan Xanana liu husi nia diskursu iha seremonia enserementu konferesnia ICETD, iha Centru Convensaun Dili (CCD), Kuarta (26/10).

Xanana konsidera peritus sira nia partisipasaun iha konferensia ne’e sai valor ba rai Timor, tanba halo nasaun Timor bele moris liu husi sira nia esprensia ne’ebe mak mai fahe liu husi konferesnia ne’e, tanba Timor Leste bele dezenvolve area turismu nune’e bele ajusta ho peritus sira nia rekomendasaun hodi bele adopta rekomendasaun sira ne’ebe mak sira fo hela mai.

Iha fatin hanesan, ministru Francisco Kalbuadi Lay hatete, konferensia ne’e halao durante loron tolu mak ensera  ona, hanesan nasaun foun presiza rona esperensia husi peritus sira hotu-hotu mai husi nasaun barak hanesan Estadus Unidus Amerika (EUA), Fransa, Indonesia, Malaysia no nasaun sira seluk mai para fo esperensia hodi halo rekomendasaun ida katak ba oin atu dezenvolve area turismu halo nusa.

“Ohin meudia sira tur hamutuk ona koalia no halo konkluzasaun ne’e mak parte DIT ho MTAC universidade Algarve sei fahe ba nasaun tomak katak tuirsmu atu ba oin dezenvolve tuir politika sira hanesan ne’e,’’esplika Kalbuadi.

 Nune’e mos reitor DIT Manuel Vong dehan, area turismu hanesan area ne’ebe mak estratejiku ba iha dezenvolvimentu nasaun ida nian, liu-liu ba nasaun kik oan sira hanesan Timor presiza tebes politika ida ne’ebe mak klaru atu dezenvolve area turismu, maibe komunidade inklui Governu sira maka tenki sai autor no meta ba dezenvolvimentu ne’e rasik, tanba turismu ne’e aban bainrua sei lori benifisiu ba ema tomak iha futuru.

“Ita mos tenki atensaun kuando la iha politika ida klaru bele sai dezastre, tanba nasaun Timor kik oan, tanba ne’e mak peritus sira liu husi diskusaun ne’ebe ma ativu tebes ho Estudante, akademiku sira, praktikus ho ema 300 resin deskute  loron tolu tomak kona ba turismu,’’ tenik Manuel.

Rekomendasaun husi peritus sira sei ne’e konseptu iha livru ida hodi bele sai politika ida mai nasaun Timor atu bele dezenvolve area turismu, tuir planu rekomendasaun sira ne’e sei produs iha fulan Novembru nia laran.

Seremonia enseramentu ne’e hetan partisipasaun masimu husi peritus sira, estudante universidade sira inklui konvidadus sira seluk. nia

Jornal Nacional