CPLP. Guterres hateten katak komunidade iha “posibilidade bot atu afirma ho intensidade liu tan”

Futuru sekretáriu-jerál ONU nian, horisehik defende katak Komunidade Nasaun Lian Portugés (CPLP) iha “posibilidade bot atu afirma ho intensidade maka’as liu tan” no fó votu katak Estadu hothotu hatene halo organizasaun ne’e sai “fluenteliu tan”. 

“Ha’u fi’ar katak, problema hothotu sai globál liu tan. No tanba ne’e maka organizasaun universal ida hanesan CPLP, sei iha posibilidade atu afirma ho intensidade maka’as ba iha futuru”, dehan sekretáriu-jeral eleitu Nasoins Unidas, António Guterres, iha deklarasaun ba jornalista sira, durante resesaun ba komunidade portugeza, ho prezensa hosi Prezidente portugés, Marcelo Rebelo de Sousa, iha rezidénsia embasadór Portugal nian, iha Brazília.

Guterres, ne’ebé sei hahú ninia funsaun iha ONU, loron 01 fulan Janeiru tinan 2017, hateten, hein katak “governu sira hosi nasaun hotu bele hatene kona-ba ne’e no esforsu ne’e maka fó pozisaun ida ba CPLP, sai susesu liu tan”.

Antigu primeiru-ministru portugés ne’e partisipa iha XI Konferénsia xefe Estadu no Governu CPLP, ne’ebé hahú ohin iha Brazília, hafoin simu konvite hosi Prezidente brazileiru, Michel Temer.

SAPO TL ho Lusa