quarta-feira, 15 de março de 2017

Horta: PN La Bele Mete Kampania Prezidensial

DILI - Eis Prezidente Republika Jose Ramos Horta husu Deputadu sira iha Parlamentu Nasional (PN) labele mete Kampania Prezidensial, tanba kandidatu sira iha kampania door to door maka koalia liafun Lorosae-Loromonu nee buat ida izoladu laos Politika fiskal.

Tuir Eis Prezidente Horta katak kandidatu lubuk ida los husi Munisipiu oi-oin, kandiatu Kalohan husi Munisipiu Liquica, Postu administrative Bazartete, Jose Luis Guterres kandidatu ida diak nia ema Munisipiu Viqueque, Lu-Olo mos Ema Viqueque, kandidatu ida tan Jose Neves nee ema Ermera, Angela Fereitas Ema Baucau, Amorin husi Lospalos, kandidatura sira kahur malu, nee duni lalika koalia konaba loromonu-lorosae.

Nee duni hau hanoin Deputadu sira konsentra ba sira nia serbisu Parlamentu nia, labele mete fali kampania prezidensial, tanba bisu-bisu nee akontese nee normal, se ema ruma ekipa susesu ruma maka koalia konba asuntu sira nee, nee buat ida izoladu, laos politika fiskal kandidatu nia ou PD nia tanba PD nee hetan votus barak los iha Lorosae, Mariano Sabino nee ema Lorosae, nee duni la lika kahur sasan sira nee ba mai, nune mos hari partidu laos lorosae-loromonu nia, maibe partidu nee partidu nasional, needuni nia laperokupa ho ida nee,” hateten Horta, ba Jornalista sira, hafoin remata Konfrensia imprensia konaba Tour de Timor, iha Timor Lodge, Kampung Baru, Kuarta (15/03/2017).

Iha parte seluk Deputadu Bankada Fretilin, Lionel Marçal hatete presiza halo intervensaun ba kandidatu balun liu-liu ekipa susesu neebe mak uza liafuan lorosae no loromonu iha kampania. Nia mos aumenta tan katak liafuan sira nee laos sira husi parte Fretilin deit maka perokupa, maibe povu sira iha baze mos perokupa, konba kandidatu balun temi lorosae-loromonu.

Nune mos Deputadu Bankada CNRT, Jacinto Viegas esplika, iha Munisipiu Bobonaro neeba militante sira koalia duni liafuan lorosae loromonu, tanba nee husu ba lider partidu sira mos kandidatu sira hapara ona hanoin hirak nee. Joao Anibal/ Joao Fatima

Suara Timor Lorosae

Sem comentários: