segunda-feira, 5 de junho de 2017

Alterasaun tributáriu maka'as iha Timor-Leste sei fó ba Governu foun tuirmai

PARTILHAR
Reforma tributáriu sira iha Timor-Leste, inklui introdusaun IVA nian, sei avansa de'it iha Governu foun tuirmai no presiza kontrata no hametin kapasidade sira hosi rekursu ema sira nian iha área, hatete hosi responsável hosi komisaun reforma fiskal nian.

Fernanda Borges explika ona ba ajénsia Lusa katak aspetu ida neineik hosi prosesu tomak ne'e "maka kriasaun no implementasaun hosi sistema sira rasik", tanba "polítika defini di'ak ona no Governu iha vizaun ida ne'ebé loloos kona-ba reforma sira no tansá maka implementa".

"Hodi bele kobra tan reseita sira, fasilita komérsiu sira, hodi bele apoia diversifikasaun ekonómiku, negósiu no investimentu iha Timor-Leste, kuadru jurídiku no polítika sira tenki hanesan 'business-friendly'. Ne'e reflete di'ak ona iha polítika sira no iha lei sira", nia afirma.

"Mákina sei implementa polítika sira no lei sira [tenki] hanesan efikas no modernu no rekursu ema sira tenki iha tékniku sira, koñesimentu sira, ne'ebé la prezente tanba lei anterior sira la hanoin ba kestaun sira ne'e", nia refere.

Timor-Leste hahú buras no avansa ho poténsia foun sira no, tanba ne'e "presiza rekursu ema sira ne'ebé formadu iha área espesífiku oioin, hanesan área aduaneiru no tributáriu nian" no ne'e "presiza hosi Governu investimentu ida konsentradu liu iha área Rekursu Ema nian".

Fernanda Borges fó hanoin katak presiza ona harii autoridade rua foun, Tributária ho Aduaneira, no ne'ebé agora presiza rekruta kuaze ema na'in 500 ba fatin rua ne'e ho formasaun no koñesimentu tékniku espesífiku sira ne'ebé husu hosi kódigu foun aduaneiru nian, aprova tiha ona antes no ba lei tributáriu foun sira tuirmai.


"Hanesan prosesu ida ne'ebé sei kontinua halo maibé tenki halo ho kuidadu. Tanba reforma ruma hanesan hodi hadi'a buat sira no la'ós hodi komplika tan", nia hatete.

Maski termu jeral sira hosi impostu atual sira iha liu pezu, Timor-Leste tenki implementa alterasaun maka'as ida ho impostu foun kona-ba konsumu, ne'ebé nia aprovasaun adia tanba períudu eleitoral ne'ebé halo daudaun.

Fernanda Borges explika ona katak Governu desidi ona katak la haruka ba Parlamentu pakote hosi lei tolu - revizaun ba lei tributária, lei hosi IVA no kódigu hosi prosedimentu tributáriu - husik ba Governu foun tuirmai maka halo, ne'ebé sei harii hosi eleisaun parlamentar sira loron 22 Jullu.

"Hanesan pakote konjuntu ida ne'ebé sei hametin kapasidade hosi koleta reseita sira no hadi'a impostu oioin sira" aleinde muda dalan oinsá halo koleta nian, "ho efisiénsia liu hodi nune'e bele kontinua ho negósiu sira", nia afirma.

Fernanda Borges ko'alia ba Lusa iha marjen hosi expozisaun ida kona-ba progresu iha prosesu reforma sira hosi Governu konstitusional daneen, ne'ebé inklui reforma fiskal.

SAPO TL ho Lusa
PARTILHAR

Author: verified_user

Publicação luso-timorense sem fins lucrativos

0 comentários: