segunda-feira, 5 de junho de 2017

Futuru TL Joven Nia Liman, Hili CNRT

PARTILHAR
DILI – Futuru nasaun Timor Leste iha joven sira nia liman, tanba nee, mai hamutuk ho partidu Congreso Nacional Reconstruçao Timorense (CNRT) vota no hili partidu CNRT manan, hodi hadia povu nia moris diak.

Tema jeral ba atividade konsolidasaun partidu CNRT iha suku Kampu Alor mak hametin paz no unidade nasional, hetan partisipasaun mos husi partidu FRETILIN, PD inklui partidu PLP.

Iha biban nee Komisaun Diretiva Nasional (CDN) Partidu CNRT, Romeo Moises katak, estrutura sira neebe mak simu pose nee mesak joven, fiar katak bele lori CNRT vitoria eleisaun parlamentar 2017.

Estrutura neebe mak hamrik simu tomada pose nee, mesak joven deit basa nasaun nee, iha ita boot sira nia liman,” dehan Romeo liu husi diskursu iha iha serimonia tomada pose ba estrutura hamutuk 36 suku Kampu Alor-Dili, Domingo (05/06/2017).

Romeo husu ba estrutura sira nee mai hamutuk ho CNRT fo apoiu ba maun boot Xanana hodi halo dezenvolvimentu, hodi hadia povu nia moris diak.

Iha fatin hanesan, Koordenador Jeral Partidu CNRT Postu Administrativu Vera Cruz, Abel Ximenes dehan, ho politika neebe mak CNRT iha, garante katak suku Kampu Alor sei bele manan iha eleisaun parlamentar. Raimundo S. Fraga

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: