Iha
semana ne'e Timor-Leste estrega ona iha ONU, iha Nova Iorke, durante
Konferénsia Oseanu sira nian, ajenda ida hosi protesaun oseanu sira nian ho
kompromisu hitu ne'ebé inklui lejislasaun foun no ratifikasaun hosi akordu
internasional ida.
Iha
dokumentu, Timor-Leste kompromete hodi ratifika Konvensaun kona-ba Komérsiu
Internasional hosi Espésie sira Fauna no Flora (CITES), iha fulan-Juñu ne'e nia
laran, no kria polítika ida ba oseanu sira to'o tinan ne'e nia rohan.
"Polítika
Nasional ba Oseanu sira hanesan oportunidade ba vizaun Timor-Leste nian ba
oseanu sira hodi implementa no permiti ba governu, ba setór privadu no ba
komunidade sira hodi hili adopsaun kordenadu ba futuru hosi asuntu sira tasi
nian", hakerek hosi governu.
Kompromisu
sira inklui mapa ida ba zona kosteira tomak ne'ebé hanesan vulnerável, to'o
final tinan 2020, no hadi'a regulamentu sira ba turizmu natureza nian, hanesan
observasaun baleia sira, mergullu no interasaun ho animal sira to'o fulan-Juñu
tinan hanesan.
Kona-ba
peska, Timor-Leste hakarak halo levantamentu ida hosi nia rekursu peska sira
to'o tinan 2020 nia rohan no atualiza no hadi'a regulasaun sira hosi área no
forma oinsá fó lisensa ba atividade sira.
"Bee
sira Timor-Leste nian hanesan rekursu ikus sira ne'ebé seidauk explira hosi
peska komersial sira. Maibé, regulamentu atual sira no lejislasaun kona-ba
lisensiamentu hosi peska internasional sira no nasional sira hanesan laiha
atualizasaun no hamosu "stock sira" iha risku", explika nasaun
ne'e iha kompromisu.
Nasaun
kompromente lansa to'o tinan 2018 nia rohan kampaña nasional ida hodi
sensibiliza públiku ba problema poluisaun no nia impaktu iha oseanu sira.
Konferénsia
ba Oseanu hotu iha loron-sesta ho adopsaun hosi nasaun-membru sira ONU nian ba
dokumentu polítiku ida ne'ebé negosia ona hosi embaixador Portugal nian iha
ONU, Álvaro Mendonça e Moura, hamutuk ho nia homólogu hosi Singapura.
Entretantu,
Portugal oferese ona hodi simu edisaun tuirmai hosi eventu nian iha tinan 2020.
SAPO
TL ho Lusa | Foto@ António Casais
Sem comentários:
Enviar um comentário