sábado, 10 de junho de 2017

Vota ba CNRT Vota Ba Fronteira Maritima

DILI – Partidu Congreso Nacional Reconstrução Timorense (CNRT) hetan afiliasaun husi partidu Fretilin, PD, Frenti-Mudansa no ASDT iha munisipiu Dili hamutuk 650. Hamutuk ho Xanana hodi manan absoluta iha eleisaun parlamentar, rezolve Fronteira Maritima (FM).

Afiliante sira nee mai, liu husi esforsu Organizasaun Mulher Partidu (OMP) Munisipiu Dili hamutuk ho nasional, konsege lori sira mai tama iha CNRT, tanba CNRT deit mak bele lori nasaun no povu nee ba dalan dezenvolvimentu nasional.

Iha biban nee, Vise Prezidente Komisaun Politika Nasional Partidu CNRT, Tomas Cabral hatete, desizaun neebe mak ita boot sira foti nee lasala desizaun nee los hamutuk iha uma fukun Timor Leste.

Mai iha uma fukun Timor Leste, uma fukun CNRT, hamutuk ho CNRT hodi vota ba CNRT vota ba Fronteira Maritima (FM),” dehan Tomas liu husi diskursu simu afiliasaun iha Sede Nasional CNRT, Bairo Formosa-Dili, Kinta (08/06/2017).

Tomas haktuir, komprimisu CNRT minisipiu Dili mak ita tenke manan iha munisipiu Dili ho total sen mil eleitores, ita tenke esforsu hodi manan maioria, atu ita bele ukun mesak.

Prezidente komisaun juridisaun CNRT, Aderito Hugo esplika, CNRT ukun durante tinan 10 ona, iha esperensia ukun, hatene halo jestaun ba ukun tanba nee estabilidade nasional lao diak. Raimundo S. Fraga

Suara Timor Lorosae

3 comentários:

Anónimo disse...

Frontiera maritime nee interese nasional nian Laos interese partidu nian. Tamba ne mak labele mai bosok ami povu beik sira iha tempo campanha agora dadauk nee. I tamba saida mak sempre depende ba deit fronteira maritima? Timor iha potensia boot iha areas seluk hodi gere ita nian economia. Tamba saida mak la halo planu alternativa hodi gere economia iha futuru?

Daniel Pereira disse...

La lojiku, kuandu temi Partidu nia naran afilia ba Partidu seluk, Militante ema ida deit maka muda ba partidu dehan fali partidu maka afilia. Partidu ne'e Organizasaun Politika Legal nebe rejistu iha Tribunal Rekursu ho naran ofisial, iha estatutu no estrutura. Como que Partido maka afilia? Kuandu hanoin didiak koalia la sala. Koalia los maka "Partidu .......nia militante ho nia naran............sai husi partidu..................muda ona ba partidu................. Karik koordenador Partido nian ida maka muda ba Partidu seluk la signifika lori Partidu nia estrutura tomak ba partidu seluk. Tuir loloos ema maka muda ba Partidu laos Partidu....

Militante Frenti-Mudanca nian balun muda duni ba Partido seluk maibe Partido Frenti-Mudanca sei existi nafatin to'o agora. Loron-loron ema foun tama nafatin. Joven estudante no lisensiadu sira barak maka bolu malu hari sira nia grupu no rejistu iha Partido Frenti Mudanca. Ba Militante nebe muda ba Partido seluk, ami dehan good bye....Mati satu tumbuh seribu. Ema nebe lakohi metin iha partidu signifika ema ne'e nia militansia seidauk forti no partido la bele kesi nia. Aban bain rua sei akontese mos ba Partido seluk. Ezemplu, kuandu Maun Xanana la kaer ona CNRT, militante barak maka sei sai no sei halai ba Partido seluk......Fiar ou la fiar, ita haree.....

Anónimo disse...

Fronteira marítima né CNRT nian mesak ga?