quarta-feira, 26 de julho de 2017

Ejijensia Vida, Halo Labarik Balu Buka Moris Dalan Ninin

PARTILHAR
DILI -Timor Leste ratifika ona konvensaun Direitu ba Labarik, Iha konvensaun nee, labarik iha direitu moris livre iha familia no komunidade nia leet. Maibe iha realidade ita haree, tamba ejijensia vida, halo labarik barak moris iha dalan ninin hodi buka osan.

Loron-loron hau tenki ajuda a’ma, ajuda a’pa ba faan manu tolun iha sidade laran hodi buka osan uitoan-uitoan. Atu nunee hodi sosa hahan, tanba a’ma no a’pa laiha servisu. Fatin ba sira atu servisu nee laiha. Ida nee mak obriga hau, tenki ajuda buka osan,”hateten Mariano Soares (15) ba STL iha Kampus UNTL Kaikoli, Segunda (25/7/2017).

Husi aktividade neebe nia komete, dehan Mariano Soares, loron ida dala ruma hetan osan $5.00, dala ruma $3.00. “Sura loron, hau lao loron tomak. Dalaruma hau hetan osan $5.00, dala ruma $3.00. Osan nee neebe hau hetan, fo ba a’ma no a’pa para hodi sosa hahan ba ami han. Hau nia a’ma no a’pa mos faan dosi iha eskola sira. I ba hau, agora hau la eskola ona, sura loron halimar iha uma deit”.


Iha fatin seluk estudante Celina hateten iha sira nian escolar labarik barak maka faan dosi, manu tolu no balun fase kareta iha dalan ninin, “hau nian hare labarik barak maka oras nee moris iha dalan ninin, hodi faan sasan hanesan manu tolu, dosi, no balun mos fase kareta no motor iha dalan ninin sira” katak Celina soares nuudar estudante universidade da paz.

Nian hateten husu ba governu sira diak liu tau matan ba ema neebe maka kbiit laek sira nee atu nunee labele impata fali labarik kiik sira nian future, tanba labarik maka future ba nasaun ida nee.

Responde problema nee, Komisario Direitus Labarik husu estadu Timor Leste ratifika konvensaun direitu ba labarik. Katak, prevensaun ba labarik no labele uja labarik ba iha konstrusaun no interese ema ida nian, maibe oras nee dadaun labarik barak maka sei servisu toman no balun servisu kmaan.

Komisario direitu ba labarik iha mos problema boot ho labarik sira neebe maka halo servisu todan no servisu kamaan, liu-liu ba labarik sira neebe maka halo Estrada, faan modo, manu tolu, ida nee hatoo ba governo atu nunee bele foti medidas no tau atensaun ba labarik sira atu nunee bele asesu ba iha edukasaun ita labele hatoman labarik buka osan iha idade sei kiik ida nee estraga labarik nian mentalidade katak nian kiik maibe nian hetan osan,” hateten Komisaria Direitus Ba Labarik Maria G. Barreto.

Komisaria hatutan ida nee ita prevene ba labarik sira, ida neebe tau prorioridade ba labarik maka governu, nomos sepope neebe maka hare ba trabalhador sira, husu ba sesope atu bele aselera lalais konaba trabalhador infatil nian neebe oras nee prosesu hela no lakonsege ba konselho ministro, ita hein iha governu foun no parlamentu foun, husi governu nian servisu neebe maka halo hela liu husi sepope liu husi governu foun neebe maka assume iha sepope nian atu konsederasaun ba labarik atu nunee bele protese lalais lei infatil ninian, tanba labarik barak ema akuza halo servisu, ita protese ida nee persija lei fundamental ida neebe fo dalan ba iha entidade importante hanesan pntl atu nunee prevene labarik sira labele halo servisu. Est-5

Suara Timor Lorosae
PARTILHAR

Author: verified_user

Publicação luso-timorense sem fins lucrativos

0 comentários: