quarta-feira, 26 de julho de 2017

EUA felisita Díli tanba votasaun kredível ho pasífiku

Iha loron-tersa ne'e, Estadus Unidus felisita ona povu ho Governu Timor-Leste tanba kontribuisaun ne'ebé fó hodi nune'e eleisaun lejislativu sira loron-sábadu ne'e bele la'o ho pasífiku, kredível no iha liberdade.

Iha deklarasaun ida, porta-vós hosi Departamentu Estadu norte-amerikanu nian, Heather Nauert, destaka katak asaun ne'e "reprezenta hakat ida tan" iha demokrasia timoroan ne'ebé joven, nune'e tenki "felisita" mós partidu polítiku tomak.

Hatudu hakarak hodi serbisu ho Governu foun, Estadus Unidus felisita mós órgaun eleitoral sira tanba lori ona prosesu tomak ho dalan "organizadu ho kredível".

"Timor-Leste ho Estadus Unidus faje valor ho prinsípiu sira ne'ebé hanesan no ami hakarak tebes hametin ami nia parseria", hakotu hosi porta-vós.


Fretilin manán ona lejislativu timoroan sira iha loron-sábadu ho vantajen ida besik rihun resin hosi votu sira kontra CNRT, iha pozisaun daruak iha kontajen ikus hosi boletin sira ne'ebé fó sai iha loron-domingu hosi Sekretariadu Tékniku ba Administrasaun Eleitoral (STAE).

Tuir informasaun sira hosi STAE, a Frente Revolucionária do Timor-Leste Independente (Fretilin), hosi Mari Alkatiri, hetan ona votu hamutuk 168.422 no Congresso Nacional da Reconstrução Timorense (CNRT), hosi Xanana Gusmão, konsege ona 167.330.

Bainhira aplika métodu Hondt, Fretilin sei hetan deputadu na'in 23 no CNRT sei iha na'in 22 iha Parlamentu Nasional ne'ebé iha total hamutuk fatin 65.

Partidu datoluk ne'ebé hetan liu votasaun maka Partidu Libertasaun Popular (PLP), hosi eis-Prezidente Taur Matan Ruak nian, ne'ebé konseg ona votu hamutuk 60.092 (deputadu na'in ualu), tuir Partidu Demokrátiku (PD) ho votu 55.595 (deputadu na'in hitu) ho Khunto ho votu hamutuk 36.546 (deputadu na'in lima).

SAPO TL ho Lusa | Foto@ Nuno Veiga/EPA

Sem comentários: