Governu Grande Inkluzaun Lahare Ona Ba Kor Politika

DILI - Sosidade sivil sira iha rai laran konsideira katak, Governu grande inkluzaun lahare ba kor politika, maibe Timor oan neebe maka iha kapasidade no didikasaun neebe maka makas ba povu no nasaun bele bolu ba iha Governu.

Tuir Diretor Asosiasaun Hak Manuel Monteiro katak, Grande inkluzaun nee katak, lahare ona ba kor politiku, maibe Timor oan sira neebe maka iha abilidade, iha dedikasaun neebe maka makas ba povu no Nasaun bolu sira ba tama iha Governasaun.

“Povu maioria fo konfiansa nee ba Fretilin, agora iha prinsipiu estadu de direitu demokratiku oposizaun tenki iha, hodi garante hodi ukun nee, ukun nee hanesan, atu nunee labele halo fali ita nia povu nee iha primeiru klase no segundu klase fali ,” dehan Manuel ba STL, iha ninia servisu fatin, Farol, Dili, Kuarta (09/08/2017).

Nia dehan, Bainhira ba ukun ona interese partidaria nian nee husik ona, no latuir objetivu prinsipiu, vizaun, misaun partidu ninian, maibe labele haluha katak, mandatu nee fo hela husi kontuisaun RDTL artigu seis dehan hela konaba objetivu estadu ninian.

Iha parte ketak Membru ONG Ajaar Inocensio Xavier hateten, Hanesan sosiadade sivil nia pontu devista apoia FRETILIN nia hanoin katak hari Governu inkluzaun, tanba laos FRETILIN manan maka FRETILIN tenke okupa kadeira sira, maibe presiza konsideira partidu sira neebe maka manan ou lapasa bereira nee pelumenus ema Timor oan sira iha kapasidade FRETILIN tenke hare didiak hodi enkaisa iha Governu ba dala hitu nee. Carme Ximenes/EST2

Suara Timor Lorosae