Parpol Opozisaun Labele Vinganza, PD-Khunto Respeita Fretilin Forma Governu

DILI - Partidu Politiku (Parpol) 5 neebe hetan asentu parlamentar iha balu hakarak sai opozisaun labele halo viganza iha parlamentu. Enkuantu ba partidu PD no Khunto tenke respeita Fretilin forma governu.

Deklarasaun nee hatoo husi Eis Primeira Dama Isabel Fereira katak, tenke respeita povu nia votus, neebe fo komfiansa ba partidu Fretilin mais votadu, tanba tuir estadu direitu demokratiku konstituisaun mak aas liu hotu, tanba iha konstituisaun hatete katak, partidu neebe mais votadu PR sei komvida atu bele forma governu.

Hau husu ba partidu politiku sira neebe mak hetan asentu parlamentar neebe mak seidauk iha pozisaun ba opozisaun hanesan PD no Khunto atu hamutuk ho Fretilin hodi bele forma governu. Enkuantu ba partidu neebe opozisaun tenke edukativu no konstrutivu hodi labele viganza iha parlamentu,” katak Isabel ba STL bainhira hasoru malu iha Vila-Verde Kuarta (09/08/2017).

Nia hatete, ba partidu sira neebe mak hetan asentu parlamentar tenke respeita i sai opozisaun tenke sai opozisaun edukativu no konstrutivu, hanesan pozisaun PLP hakarak sai opozisaun edukativu no konstrutivu, neebe hakarak ida nee mak akontese iha parlamentu.

Entre tantu jornalista STL halo komfirmasaun ho Prezidente Partidu Demokratiku (PD) Mariano Asanami Sabino liu husi via telefone, hatete haree ba asuntu ida nee, nia agora laiha komentariu.

Nunee mos Deputadu Bankada CNRT Domingos Carvalho hatete, haree ba partidu 5 neebe mak hakat liu 4 bareira hanesan Fretilin okupa primeiru lugar, segundu CNRT, tuir PLP, PD, no Khunto, tanba nee iha partidu CNRT hatete ona lamanan maioria ou lahetan kadeira too 33, sai opozisaun. Guilhermina Franco / Jacinta Sequeira

Suara Timor Lorosae