Sidadaun
australianu hetan ona kondenasaun, iha loron-sesta ne'e, ba kadeia tinan tolu
ho balun, fó hosi Tribunal Distrital Díli tanba ezisténsia hosi estupefasiente,
iha kazu balun ai-horis marijuana, la hetan kastigu ba krimi konsumu nian.
Tony
Crean, ne'ebé maka hetan detensaun preventivu dezde loron 31 Janeiru no ne'ebé
Ministériu Públiku husu ona kastigu tinan 10 tanba tráfiku no tinan haat tanba
konsumu, hanesan estranjeiru dahuluk ne'ebé hetan julgamentu ho baze iha lei
foun droga nian iha nasaun.
Maski
arguidu admiti konsumu maibé rejeita tráfiku, juís perdoa nia hosi krimi
konsumu (teste sira urina nian hatudu negativu) maibé kondena nia tanba
propriedade ho tráfiku.
Ajente
polísia na'in rua, sasin na'in rua úniku ne'ebé Ministériu Públiku aprezenta -
ne'ebé iha akuzasaun inisial uza esperesaun "kaer durante asaun" ba
krimi sira konsumu no tráfiku nian - konfirma ona durante julgamentu katak
laiha sinal ruma tráfiku nian.
Crean,
ne'ebé hela iha Timor-Leste durante tinan 17 ona, hatete katak ai-horis sira
ne'ebé polísia hetan iha vazu sira iha nia hela fatin no iha fatin serbisu nian
hanesan kuda fali hosi kintal, ne'ebé moris arbiru.
Juís
Duarte Tilman, bainhira le sentensa, hatete katak faktu sira ne'ebé aprezenta
hosi Ministériu Públiku hetan de'it aprovasaun balun, hodi determina katak
aleinde prizaun efetivu, sei selu dolar 200 iha kustu sira.
Crean
nia defeza hatete katak sei aprezenta rekursu.
Crean,
ne'ebé kumpri ona kadeia kuaze fulan sira, bele husu liberdade kondisional bainhira
kumpri tempu metade hosi kastigu ne'e.
SAPO
TL ho Lusa
Sem comentários:
Enviar um comentário