DILI,
(TATOLI) – Ministru Defeza no Seguransa (MDS), José Agostinho Sequeira
“Somotxo” alerta ba polítiku sira no sidadaun hotu atu kontribui ba
estabilidade polítika no estabilidade nasionál.
“Ha’u
hanesan ministru defeza no seguransa apela nafatin ba partidu polítiku sira no
ema hotu atu kontribui estabilidade polítika no estabilidade nasionál mezmu
situasaun polítika hamosu dezentendimentu iha Parlamentu Nasionál,” José
Agostinho Sequeira “Somotxo” informa ba jornalista sira liuhosi konferénsia
imprensa iha Kuartél F-FDTL, Fatuhada, horisehik.
Nia
dehan, problema polítika ne’e polítiku sira nian maibé tenke entende malu
nafatin hodi estabiliza sitasaun iha nasaun tanba polítiku sira la’ós hanoin
hodi hamosu fali krize polítika no krize militár.
“Ha’u
fiar katak polítika sira hotu iha responsabilidade polítika no morál atu lori
nasaun no povu ne’e ba moris di’ak.”
Enkuantu
ministru defeza no seguransa husu mós ba seguransa nasionál no defeza atu
kumpre ida-idak nia kna’ar hodi garante estabilidade nasionál.
Ba
Komandu Jerál PNTL atu fó atensaun ba komandu munisípiu sira atu bele halo
seguransa liuhosi patrullamentu hodi asegura povu sira.
Ba
sosiedade tomak husu hakmatek hodi kontribui nafatin ba estabilidade seguransa
liuliu ba veteranu sira hosi rejiaun ida, rejiaun haat to’o rejiaun autónomu.
Jornalista:
Zezito Silva | Editór: Manuel Pinto
Foto:
Ministru Defeza no Seguransa (MDS), José Agostinho Sequeira “Somotxo”
Sem comentários:
Enviar um comentário