Líder
sira hosi opozisaun parlamentar timoroan nian afirma iha loron-segunda ne'e
katak Prezidente Repúblika hatudu "ansiozu" bainhira fó pose ba Governu
minoritáriu ida, lahó fó tempu ba forsa sira opozisaun nian hodi aprezenta
alternativu maioritáriu ida.
Responsável
sira hosi Congresso Nacional da Reconstrução Timorense (CNRT) no hosi Partidu
Libertasaun Popular (PLP) - ne'ebé halo krítika maka'as durante kampaña - agora
hakarak lidera aliansa ida hosi maioria parlamentar, no explika, liuhosi
deklarasaun sira ba Lusa, kona-ba razaun sira hosi mudansa pozisaun nian.
"Hanesan
asaun ida ne'ebé ansiozu tebes hosi Prezidente. Bainhira bankada KHUNTO desidi
sai hosi koligasaun, iha loron ne'e kedas maka prezidente hili kedas
primeiru-ministru no ami laiha tempu", esplika hosi xefe bankada CNRT
nian, Arão Noé.
Dirijente
refere ba faktu hosi Kmanek Haburas Unidade Nacional Timor Oan (KHUNTO) antes
hamutuk iha koligasaun Governu nian ho Frente Revolucionária do Timor-Leste
Independente (Fretilin) no Partidu Demokrátiku (PD), maibé ikusmai sai hosi
koligasaun.
"Baibain
partidu sira hasoru malu hodi halibur ideia sira. Maibé iha ne'e, iha loron
tuirmai fó pose no laiha tempu hodi hasoru malu. Agora ami konsege hetan bloku
opozisaun ida, hanesan esplik aiha karta no ami esklarese ami nia pozisaun
hanesan bloku ida", nia afirma.
Iha
semana liubá, bankada sira hosi CNRT, PLP ho KHUNTO - ne'ebé hanesan maioria
iha Parlamentu Nasional, kontrola fatin 35 hosi fatin 65 - hakerek ona ba
Prezidente Repúblika hodi fó sai nia konstituisaun iha bloku aliansa
parlamentar ida hanesan alternativu hosi Governu bainhira Programa Ezekutivu
nian la pasa.
Administrasaun
hosi CNRT ho mós PLP hasoru malu dalabarak ona ho lideransa Fretilin nian,
ne'ebé durante semana balun nia laran buka hetan solusaun ida ba Governu, no
Xanana Gusmão, líder hosi CNRT, kompromete iha fulan-Agostu katak partidu sei
sai hanesan "opozisaun konstrutivu ida".
Antes,
Xanana Gusmão refere ona katak partidu la aseita "proposta hosi parte
ruma", no sei la konvida "partidu ruma hodi halo koligasaun, tanba
lakohi partisipa iha Governu". Nia deklara mós katak sei la repete fali
saida maka akontese iha tinan 2007 bainhira CNRT sai hanesan partidu daruak
ne'ebé hetan liu votu, lakon ho Fretilin, maibé "tanba atu rezolve krizi
ne'ebé nasaun hasoru iha tempu ne'ebá", nia hili hodi harii aliansa ida
maioria parlamentar nian".
Bainhira
Lusa husu kona-ba mudansa iha Xanana Gusmão nia postura - relasionadu ho
aliansa foun hosi maioria parlamentar -, Dionísio Babo, prezidente hosi
Komisaun Diretivu Nasional CNRT nian refere ona ba karta ida ne'ebé to'o agora
hanesan deskoñesidu ne'ebé maka líder istóriku haruka ona ba xefe Estadu,
Francisco Guterres Lu-Olo.
"Karta
ikus ne'ebé haruka ona ba Prezidente Repúblika hanesan klaru tebes […]. Ha'u
haree karta, ne'ebé nia husu ona dalan saida maka Fretilin sei harii. CNRT hein
hela resposta ne'e", Babo hatete.
To'o
agora Lusa seidauk bele hetan kópia ida hosi karta.
Durante
Governu dalima, lidera hosi Xanana Gusmão, CNRT hetan benefísiu hosi apoiu
Fretilin kuaze unánime, ne'ebé iha Governu dahaat fó ona nia membru balun hosi
Komité Sentral hodi halo parte iha ezekutivu.
Bainhira
hatán kona-ba saida maka muda iha CNRT nia postura, Arão Noé hatete katak CNRT
"la desidi buat ida" no hein atu Fretilin desidi opsaun saida maka
partidu hakarak entre opsaun tolu - koligasaun, inkluzaun boot ka insidénsia
parlamentar.
"Bainhira
iha momentu ne'ebá hili opsaun ida, ami sei hili ami nia pozisaun. Ami la
desidi buat ida. Ami hein hela saida pozisaun saida maka hili hosi partidu
ne'ebé hetan liu votasau, tanba labele uza opsaun tolu ne'e iha momentu
hanesan", nia hatete.
Visi-prezidente
hosi PLP, Fidelis Magalhães, esplika ona afastamentu hosi koligasaun Governu
nian ho prinsípiu katak "la fasilita kontrolu hosi partidu polítiku ida
de'it ba órgaun soberania tomak nian".
"PLP
desidi la viável plataforma ida koligasaun nian tanba Fretilin avansa ona ho
proposta ida hodi kontrola mós parlamentu no naturalmente iha Governu
mós", nia esplika.
Agora
daudaun, iha Timor-Leste, Prezidente Repúblika maka Francisco Guterres Lu-Olo,
ne'ebé hanesan mós prezidente Fretilin nian. Mari Alkatiri, sekretáriu-jeral
hosi partidu nian, lidera koligasaun Governu nian no Aniceto Guterres Lopes
prezidi Parlamentu Nasional.
Eleisaun
ba prezidénsia Parlamentu Nasional nian hamosu divizaun sira iha órgaun ne'e no
Aniceto Guterres eleitu ho de'it votu ida diferensa nian no akontese iha tempu
ne'ebé sei hala'o hela negosiasaun sira hodi harii Governu, ne'ebé iha momentu
ne'ebá hanesan maioriatáriu ho Fretilin, PD ho KHUNTO.
Hafoin
presedente abertu ida iha lejislatura ikus - ne'ebé hadook ona prezidente
Parlamentu Nasional nian hosi kargu - bankada ruma bele husu demisaun hosi
líder órgaun soberania nian no presiza de'it maioria absoluta ida.
Fidelis
Magalhães protesta mós kona-ba ladún iha transparénsia hosi Fretilin kona-ba
"dalan ne'ebé maka hili" - koligasaun, inkluzaun boot ka insidénsia
parlamentar -, ne'ebé ba PLP "la hatudu seguransa no konfiansa ruma"
no hamosu "dezánimu ruma iha interpretasaun hosi Fretilin nia
intensaun".
SAPO
TL ho Lusa
Sem comentários:
Enviar um comentário