Governu Sei Muda F-FDTL Husi Terminal Tasi-Tolu

DILI - Atu funsiona hikas Terminal Tasi-Tolu hodi fasilita movimentu transporte liuliu transporte publiku husi parte Oeste. Governu liu husiMinistru Obras Publiku Transporte no Komunikasaun (MOP-TK) planu ona ho hanoin halo fali fatinida hodi muda hikas F-FDTL neebe durante nee uza fatin Terminal Tasi-Tolu ba seguransa.

Tuir Vice  Ministru MOP-TK, Inacio Moreira katak,MOP-TK iha ona planu hadia terminal hotu-hotu iha Kapital Dili inklui Terminal Tasi-Tolu, tanba nee Terminal Tasi-Tolu agora hadia hela.

Ita nia maun-alin F-FDTL sei hela iha neeba, tanba nee, parte Desemvolvimentu Transporte no Komunikasaun sei hanoin halo fatin ba sira. Atu nunee hodi muda hikas ita nia mau-alin F-FDTL ba, maibe ladook, sei muda fali ba sorin. Maske nunee sira sei hanoin halo estudu didiak hafoin foti dezisaun,” katak Inacio bainhira dada lia ho STL iha nia knar fatin Caicoli Dili, Sesta (6/10/2017).

Nunee mos, terminal parte Leste tuir planu sei harii iha Akanunu Hera, maibe antes atu halo governu sei halo estudu didiak.Atu nee, terminal nee bele akumula hotu kareta pasajeiru Bus mai husi parte Leste konsentra iha nee ba, labele lori pasajeiru mai too Dili.

Nunee mos, Terminal seluk mak iha Manleuana, oras nee sei prosesu hela rai. Bainhira prosesu hotu bele halo ona terminal atu nunee bele fasilita kareta pasajeiru mai husi kosta Sulu konsentra hotu iha nee-ba. Nunee parte Becora halo terminal naton ba Mikrolete sira, atu nuneehodi regulariza transporte neebe iha.

Nunee mos, Verde Saetil nuudar kondotor Taxi dehan, governu hadia ona Terminal Taibese, maibe sira nia hakarak governu hadiatan Terminal Becora no Tasi-Tolu, nunee Bus loripasajeiru labele tama mai Dili laran. Atu nunee fo oportunidade ba kareta pasajeiru neebe sirkula iha Kapital Dili bele hetan pasajeiru.

Nunee mos Kondotor Bus Baucau-Dili Manuel Gusmao dehan, Terminal Becora klot bus labele tama ba laran. Tanba nee, durante nee siralori pasajeiru husi Baucau too mai Terminal Becora dalaruma husik iha dalan publiku.

Nunee mos bainhira hein pasajeiru pasensia hein iha liur. Tanba nee husu ba governu oinsa bele hadia Terminal Becora. Atu nunee Bus bele konsetra hotu iha laran hodi hein pasajeiru nunee mos atu hatun pasajeiru labele hatun iha estrada protokulu. 

Augusto da Costa | Suara Timor Lorosae