Portugal
ho Xina sei asina iha semana ne'e planu asaun ida, hodi hanoin kolaborasaun iha
investigasaun no iha projetu komersial sira, iha ámbitu hosi ekonomia tasi
nian, avansa hosi ministra Tasi Portugal nian, Ana Paula Vitorino, ba ajénsia
Lusa iha loron-tersa ne'e.
"Planu
asaun ne'e haree ba projetu investigasaun konkretu sira no aumentu hosi
entendimentu no parseria ba parseria azul loloos ida", governante hatete
durante misaun emprezarial ida iha Xina.
Akordu
ne'e mosu hosi memorandu entendimentu ida ne'ebé asina iha Portugal, iha
fulan-Juñu liubá, entre Ana Paula Vitorino ho nia homólogu xinés, Wang Hong.
"Ami
hakarak aumenta ami nia koperasaun iha área investigasaun, siénsia ho
inovasaun, maibé mós ba parseria emprezarial sira", afirma hosi ministra
portugeza.
Pekin
ho Lisboa sei serbisu hamutuk "iha reflesaun ida klean liu iha área
governasaun hosi oseanu sira iha nível global", nia hatete.
Iha
tinan hirak ikus ne'e, Xina investe ona iha portu sanulu resin iha mundu tomak,
dezde Austrália to'o Europa, konverte operador portuáriu xinés sira iha líder
mundial.
Investimentu
sira halo parte hosi dinámika foun hosi diplomasia Pekin nian ne'ebé dezde
Prezidente Xi Jinping kaer poder halakon ona ho prezensa diskretu iha área
internasional, hodi asumi hanesan poténsia ida ne'ebé hanoin ba estranjeiru.
Iha
loron-segunda empreza portugés hamutuk 39 no empreza xineza hamutuk 86 hasoru
malu, iha kapital xineza, durante semináriu ida dedikadu ba koperasaun marítimu
entre Portugal ho Xina, iha ámbitu hosi projetu ida infraestrutura sira ne'ebé
lansa hosi Xi Jinping.
Ho
naran "Faixa e Rota", planu ne'e hakarak ativa fali via komersial
antigu entre Xina ho Europa liuhosi Ázia Sentral, Áfrika ho sudeste aziátiku,
no inklui grupu feroviáriu ida ho velosidade maka'as, portu sira no autoestrada
sira, halibur nasaun hamutuk 65 no besik 60% hosi populasaun mundial.
Ana
Paula Vitorino fó sai katak halo mós akordu entre empreza portugeza sira no
xineza sira ba "formasaun hosi konsórsiu sira, hodi konkore ba projetu
investimentu oioin ne'ebé sei akontese iha Portugal iha área portuáriu
nian".
Ministra
portugeza aponta ona ba posibilidade hosi investimentu iha portu sira hosi
Sines, Leixões ho Lisboa no "parseria sira iha área bioteknolojia azul,
akuakultura ho indústria naval", refere ba "konstrusaun hosi
plaraforma sira ba enerjia renovável oseániku sira ka akuakultura
'offshore'".
"Harii
ona baze hosi inisiativu sira, ne'ebé bele hamosu konsórsiu sira ne'ebé harii
ba atividade sira hanesan ne'e", nia hatete.
Iha
loron-tersa ne'e, Ana Paula Vitorino hasoru malu iha Pekin ho prezidente China
Development Bank nian, entidade bankáriu hosi Estadu xinés ne'ebé kaer
finansiamentu ba projetu sira nasaun nia iha estranjeiru.
Ministra
portugeza garanti ona "disponibilizasaun" no "manifestasaun hosi
interese" hosi banku hodi selu projetu sira iha Portugal iha ámbitu hosi
ekonomia tasi nian.
"Portugal
hanesan pontu importante ida iha dalan norte súl hosi Atlántiku, maibé mós
pontu pasajen obrigatóriu ida iha dalan sira este oeste nian", nia hatete
kona-ba importánsia portugés nian iha ekonomia tasi nian.
"Ita
ko'alia kona-ba nasaun ida ne'ebé iha buat hotu hodi sai hanesan parseiru
atrativu ida iha área marítimu-portuáriu nian", nia hatutan.
SAPO
TL ho Lusa
Sem comentários:
Enviar um comentário