Polísia
japuneza hetan ona mate-isin sia ne'ebé maka ema tesi no subar iha konjelador
sira iha apartamentu ida iha sudueste Tókio nian, karik hanesan kazu ida
asasíniu iha série nian ne'ebé maka halo tauk hela Japaun.
Autoridade
polísia sira serbisu hela iha loron-tersa hodi identifika mate-isin sira ne'e,
hafoin mane ida ne'ebé hela iha apartamentu, Takahiro Shiraishi, ho tinan 27,
hatete katak nia tesi no subar ona mate-isin sira iha konjelador sira, haktuir
hosi informasaun ne'ebé fó hosi porta-vós ida polísia nian.
Mate-isin
sira, ho estadu deskompozisaun ne'ebé la hanesan, hetan iha loron-segunda,
liuhosi investigasaun polísia nian kona-ba feto ida ho tinan 23 ne'ebé lakon,
hatete hosi fonte hanesan.
Feto
ne'ebé lakon nia irmaun hato'o ona asuntu ne'e iha semana liubá no, tuir
polísia, karik feto ne'e halo parte hosi mate-isin sira ne'ebé hetan iha
apartamentu.
Kaixa
ida ho feramenta sira no kadoo ida hetan ona iha Shiraishi nia apartamentu
ne'ebé karik uza hodi tesi mate-isin sira, deklara hosi porta-vós polísia nian.
Autoridade
polísia sira sei investiga motivasaun sira hosi suspeitu hodi halo krimi sira
ne'e, hatete hosi porta-vós lahó detalle sira seluk.
Takahiro
Shiraishi hatete ba polísia katak nia tesi mate-isin sira iha nia harii-fatin
no, tuir ajénsia notísia Kyodo, mane ne'e hosi parte balun hosi mate-isin sira
iha kontentor foer nian.
Relatu
sira ne'ebé hato'o hosi imprensa hatete katak feto ho tinan 23 hahú halo
kontaktu ho Shiraishi liuhosi Twitter, hodi buka parseiru ida hodi oho aan,
tanba tauk mate mesak.
Kámara
sira seguransa nian iha estasaun komboiu sira besik apartamentu suspeitu nian
kapta sira na'in rua nia imajen.
SAPO
TL ho Lusa
Sem comentários:
Enviar um comentário