DILI, (TATOLI) - Komisaun
Nasionál Eleisaun (CNE), Sesta (26/01), Ohin, realiza konferénsia ho parseiru
sira iha Otél Timor hodi responde ba Eleisaun Antisipada (EA).
Prezidente CNE, Alcino Barris
afirma, CNE iha kometimentu atu promove pratika di’ak demokrasia no sei hamenus
risku separasaun entre entidade hotu.
“Konferénsia ida ne’e bele atinje
objetivu debates no fahe mós pasífiku konaba maneira oinsá atu enfrenta situasaun
actual (Eleisaun Antisipada) iha rai ne’e no bele kontinua permanénsia hanesan
marka ida husi evolusaun ba dame no estabilidade,” Alcino Barris esplika iha
biban konferénsia nian.
Iha konferénsia ne’e, Alcino
solista kolaborasaun ho apoiu sidadaun tomak atu promove atividade legais no
labele halo tensaun violénsia ninian liu-liu iha fulan sira mai daudauk ne’e.
“Fó hatene no bolu atensaun ba
sidadaun sira hotu atu kolabora no kontribui atu bele garante festa demokrasia
iha ita nia país,” nia husu.
Konvida mós reprezentante partidu
polítiku no mídia sira atu fahe informasaun ne’ebé konsidera krusiál ho apoiu
organizasaun sivíl atu dezempeña no fortaleza prinsípiu demokrasia no
governasaun di’ak ba país ida ne’e.
Entretantu Konferénsia nasionál
ne’e nia objetivu mak promove CNE no hetan apoiu husi liuhosi doadór sira husi
Japaun no Korea do Súl.
Partisipa iha konferénsia ne’e
reprezentante partidu polítiku sira, ho hanoin kontribui idea ba maneira oinsá
atu enfrenta eleisaun antisipada.
Jornalista: Julia Chatarina | Editór:
Manuel Pinto
Sem comentários:
Enviar um comentário