DILI - Sekertariu Jeral
Konfederasaun Sindikatu Timor Leste (KSTL) Jose Conceição da Costa lamenta ho
atetude Sekertariu Estadu Juventude Trabalhu (SEJT), neebe hapara Funsionariu
Kontratadu (FK) masal, tetude hirak nee latuir prosedimentu trabalhu.
"Funsionariu kontratadu oras nee
hasoru situasaun ida problematiku oituan. Akontese iha SEJT neebe hapara
funsinariu kontratadu hamutuk 258. Tanba nee ami lamenta tebes atetude nee
tanba latuir prosedementu legal lei trabalhu nian,” dehan Jose ba STL iha nia
knar fatin Kulu-Hun Dili Tersa, (9/1/2018).
Ema sira neebe hapara kontratu
nee balun servisu tinan ida no balun servisu tinan 10 ona. Nunee mos servisu
ema sira nee halao servisu fali funsionariu permanente nia servisu. Agora
kontratu sempre balun tinan ida hahu iha Janeiru-31 Dezembru 2017 no kada tinan
renova.
Iha estatutu funsaun publika nian
iha artigu ida mak kualia konaba karik iha instituisaun ida hapara nia
funsionariu ida mak tenki iha insormasaun antes atu hapara ema. Hahalok hirak
nee latuir prosedimentu legal relasaun ho trabalhu.
Retor Universidade Dili (UNDIL)
Estevao da Costa Belo konsidera katak SEJT hapara ema nain 258 nee laos hapara
nia kontratu maibe, funsionariu kontratadu hirak nee mak nia kontratu hotu ona.
Parte seluk Sekertariu Estadu
Juventude Trabalhu (SEJT) Nino Manalhaens dehan katak, hakotu funsionariu
kontratadu hamutuk ema nain 258 ho razaun katak laiha ona orsamentu atu selu
salariu. Nunee mos profesores kontratadu hamutuk nain 5 Mil sei simu salariu
duadesimu.
Justinho Manuel | Suara Timor
Lorosae
Sem comentários:
Enviar um comentário