DILI, (TATOLI) - Ministru Estadu
no Konselleiru ba Seguransa Nasionál (MEKSN), José Ramos Horta informa iha
loron 22-23 fulan ida ne’e, Nia dezloka ba Bruxelas hodi reprezenta Timor
partisipa dialog polítiku.
“Kontaktu internasionál halo
daudaun hela, iha loron 22 no 23 Janeiru ha’u ba Bruxelas hodi halo diálogu
polítiku ho Uniaun Europeia (UE) hanesan entre Estadu ho Estadu,” Eis
Prezidente repúblika, Ramos Horta ba jornalista sira iha Palásiu Governu hafoin
remata enkontru Konsellu Ministru, Tersa (10/01).
Horta informa, substánsia hosi
dialog polítiku ne’e haree liu ba kooperasaun totál Timor-Leste ho Uniaun
Europeia, hodi haree liu kolaborasaun iha domíniu barak hanesan edukasaun,
saúde, agrikultura, kapasitasaun.
“Sei ko’alia sira nia tulun ba
eleisaun antesipada enkuantu Xefe Estadu Lú-Olo deside dehan atu ba eleisaun
antesipada.”
“Ita husu tulun ba parseiru sira
inklui Uniaun Europeia atu apoia mezmu sira apoia beibeik ba eleisaun liuhosi
apoiu ba observadór internasionál, finansiamentu no seluk iha prosesu festa
demokrasia,” Horta sura tuir EU nia tulun.
Hodi halo analiza katak sétimu
Governu Konstitusionál to’o agora halo servisu barak liu iha kontestu asaun
diplomátiku internasionál, maibé ekonómikamente sei iha impaktu negativu iha
tinan ida ne’e, tanba to’o agora governu la iha Orsamentu Jerál Estadu 2018
nian.
Jornalista : Zezito Silva | Editór:
Manuel Pinto
Imajen: José Ramos Horta bainhira
dadalia ho jornalista sira iha Palásiu Governu, ohin. Foto António Goncalves
Sem comentários:
Enviar um comentário