DILI – Xefe Estadu Maior
Jeral Falintil Forsa Defeza Timor-Leste (F-FDTL) Maior Jeral Lere Anan Timur
afirma maske iha ema balun tenta atu soe boastus hodi hafahe lider nasional
1975, maibe ida nee sei lakonsege tamba lider 1975 kontinua unidu.
“Ema hakarak soe lian barak barak
atu fahe lider sira liu-liu husi resistensia nian ida nee inimigu nian hanoin,
maibe sira laos foin akontese maibe uluk iha funu mos inimigu sira tenta atu
fahe lider sira atu bele ukun ita lalais no agora mos hakarak fahe,” dehan Lere
ba jornalista sira hafoin remata enkotru ho Prezidente Republika Francisco
Guterres Lú Olo, iha palasiu Prezidente Nicolau Lobato, Kuarta (10/1/2018).
Hatan kona ba jurista no ema
balun neebe dehan militar labele koalia poltiku, Lere hateten nee lalos, tamba
kuandu koalia poltika diferente pratika nee maka labele.
Tamba tuir Jeneral Fitun rua nee
katak sira neebe maka oras nee koalia poltika nee nia halo uluk ona poltika
maka ema sira nee foin aprende politika. Veteranus 24 anus nee apela nafatin ba
povu Timor-Leste tomak, juventude sira respeita nafatin lider sira, ho
edukasaun neebe maka iha.
Lere mos garantia katak maske ho
situsaun neebe kontinua lao, nia parte fiar katak lider sira sei buka
solusaun hamutuk hodi resolve situasaun sira nee, tamba sira maka nudar
konstrutor nasaun Timor-Leste nian.
Natalino Costa | Suara Timor
Lorosae
Sem comentários:
Enviar um comentário