DILI - Membru Komite 12 de
Novembru Rogerio Castro da Cruz hateten katak liu husi situasaun politika agora
husu ba lideransa partidu politika sira presiza duni atu iha mentalidade atu
devende povu.
Politika neebe akontese iha rai
laran oras nee dadaun problema mak maioria tenki sumete ba maioria maibe tuir
lolos nee minoria mak supmete ba maioria. Maibe solusaun diak maka nee husu ba
lider politiku sira presija iha konsensia moral no iha matoridade atu defende
povu,”dehan Rogerio ba STL iha nia knar fatin Eis-Komarka Balide Dili Tersa,
(9/1/2018).
Situasaun politika neebe oras nee
akontese seidauk iha solusaun ruma nee bele afeita liu ba ekonomia bajiku povu.
Realidade ema neebe agoenta moris iha situasaun hanesan nee sou ema neebe mak
iha osan. Maibe susar liu ba ema neebe kbit lae laiha osan atu beele moris ho
familia.
Tuir Frente Dezenvolvimentu
Demokratiku (FDD) Abano Rakambean katak situasaun politika rai laran kuandu
prezidente republika sedauk foti dezisaun ruma mak nia inpaktu maks tebes ba
ekonomia rai laran. Realidade seluk maka presu sasan baziku sae iha merkadu
halo nunee moos iha posibilidade loke dalan ba inflasaun rai laran.
Parte seluk Sekertariu Jeral
Konfederasaun Sindikatu Timor Leste (KSTL) Jose Conceição da Costa dehan
relasiona ho situasaun politika agora nee mak sei hamosu dezempregu neebe as.
Realidade hatudu dadaun ona katak iha instituisaun governu moos laiha ona osan
atu selu funsionariu kontratadu sira ida nee sei hamosu dezentendementu
sosial.
Justinho Manuel | Suara Timor
Lorosae
Sem comentários:
Enviar um comentário