Tempu Natal, MP Rejista Kazu Homejidiu 3

DILI – Durante loron boot natal no tinan foun, Ministeriu Publika Rejista kazu homejidiu tolu neebe akontese iha Maliana no Manatutu, maibe prosesu sira nee husi Ministeriu Publiku halo ona.

Informasaun nee hatoo hafoin Prokurador Jeral Republika Jose Ximenes hafoin remata enkontru ho Prezidente Republika Francisco Guterres Lú Olo ba Jornalista sira iha palasiu Prezidensial Bairru Pite, Tersa (9/1/2017).

“Ita rejista kazu hoimejidiu tolu ida maka akontese iha Maliana ba kazu nee rasik apresenta kedas ba iha Tribunal Suai, ida akontese iha area juridisaun Manatutu neebe indikasaun homesidiu neebe ema tara no kedan julgamentu iha Baucau no ida nee prose autopsia sei lao hela nee normal no kaddaver intrega ba nia familia antes de tinan foun no seluk tan,” dehan Jose.

Direjentes Ministeriu Publiku nee mos informa liu tan ba kazu kriminalidade neebe durante nee akonese iha Desembru, maka kazu krimi seksual neebe maka rejista iha Baucau aas uituan no Suai.

Nunee tuir Jose katak Prezidente Republika husu ba parte judisiariu liu-liu Ministeriu Publiku atu halo knar ho diak hodi bele resolve kazu krimi seksual neebe maka akontese iha Timor-Leste.

Alem ida nee enkontru ho Prezidente Republika, Direjentes Ministeriu Publiku nee mos relata servisu Prokuradores ba Prezidente Republika Francisco Guterres Lú OLO. 

Natalino Costa | Suara Timor Lorosae